އަފްޣާނިސްތާނުގައި އައިސިސްއާއި ތާލިބާނާ ދެކޮޅުވެރި ކޮއެލިޝަންއިން ޙަމަލަތައް ދޭން ފަށަން ތައްޔާރު ކަމުގެ މީޑިއާ ރިޕޯޓްތައް ހާމަވެއްޖެއެވެ. ވޮޝިންޓަން ޕޯސްޓާ ހަވާލާދީ އަފްޣާނިސްތާނުގެ މީޑިއާއިން ރިޕޯޓްކުރާ ގޮތުގައި، އައިސިސްއާއި ނޭޝަނަލް ރެސިސްޓެންޓް ފްރަންޓުން އަފްޣާނިސްތާނުގައި އެމީހުންގެ ކޮންޓްރޯލް ވަރުގަދަ ކުރުމަށް މަސައްކަތް ކުރަމުންދާއިރު، ތާލިބާނުންނާ ދެކޮޅަށް ދޭ ހަމަލާތައް އިތުރަށް ވަރުގަދަ ކުރުމަށް ވަނީ ނިންމާފައެވެ.
ރިޕޯޓުގައިވާ ގޮތުން އައިސިސް އާއި އަފްޣާނިސްތާނު ސަރުކާރުގެ ކުރީގެ ސަލާމަތީ ފައުޖުތަކުގެ ގެރިއްލާ ހަމަލާތައް ވެގެން ދިޔައީ ތާލިބާނުންނަށް އޮތް އެންމެ ބޮޑު ނުރައްކަލެވެ. ތާލިބާނުންނާ ހައްދުފަހަނައަޅާފައިވާ އަލްގައިދާއާ އޮންނަ ގާތް ގުޅުމަށް އިޝާރާތްކޮށް އެ ރިޕޯޓުގައި އިތުރަށް ބުނެފައި ވަނީ 2023 ވަނަ އަހަރު އަންނަންވާއިރަށް އަލްގައިދާއަށް ބައިނަލްއަގުވާމީ ހަމަލާތަކާއި އޮޕަރޭޝަންތައް އަލްގާއިދާއަށް ތާލިބާނުންގެ އެހީތެރިކަމާ ނުލައި ކުރިއަށް ނުގެންދެވޭނެ ކަމަށެވެ.ޚާމާ ޕްރެސްއިން ރިޕޯޓްކުރާ ގޮތުގައި، ތާލިބާނުން ވަނީ ބައިނަލްއަގްވާމީ ބްލެކްލިސްޓްގައި ހިމެނޭ ކުށްވެރިންގެ ތެރެއިން މަދުވެގެން 41 ކުށްވެރިން، މުހިންމު މަގާމުތަކަށް އައްޔަނު ކޮށްފައެވެ.އދއިން ބުނާ ގޮތުގައި ތާލިބާނުން ކަންބޮޑުވަނީ އެމީހުންގެ ބާރުތައް އަފްޣާނިސްތާނުން ހީނަރު ވެދާނެތީއެވެ. ތާލިބާނުން މައްސަލަތަ އްހައްލު ކުރުމަށް ވުރެން ބޮޑަށް ސަމާލުކަން ދެނީ ބާރުވެރިކަމުގައި ތިބޭށެވެ.
އަފްޣާނިސްތާނުގައި އަލްޤައިދާ އާއި އައިސިސްގެ ޖަމާއަތްތަކުން ހަރަކާތްތެރިވާ މިންވަރު ދިރާސާކޮށް، އދގެ ސަލާމަތީ މަޖިލީހުން ވަނީ ރިޕޯޓެއް ޝާއިއުކޮށްފައެވެ.
