މިސްރާއި ސައޫދީ އަރަބިއްޔާ އާއި އަރަބި ބައެއް ގައުމުތަކުގައި ޓްވިޓާ ގެ އިސް ސަފުގައި ހަރަކާތްތެރިވާ ފަރާތްތަކުން #إلا_رسول_الله_يا_مودي ގެ ހޭޝްޓެގް ވައިރަލް ކޮށްފިއެވެ. މި ހޭޝްޓެގް އާންމު ކުރީ އިންޑިއާގެ ވެރިކަން ކުރާ ބާރަތިޔާ ޖަނަތާ ޕާޓީ (ބީޖޭޕީ) ގެ ތަރުޖަމާނު ނަވިން ޖިންޑާލް ސަލާމާއި ސަލަވާތް ލެއްވި ކީރިތި ރަސޫލާއަށް ހުތުރު ބަހުން ބަސްތައް ރައްދު ކުރުމުންނެވެ.
ކީރިތި ރަސޫލާ އައިޝަތުގެފާނާއި ކައިވެނި ބައްލަވައިގަތް ކަމުގެ މައްޗަށް ވާހަކަ ދައްކައި ޖިންޑާލް ޓުއީޓް ކުރުމުން އަރަބި ދުނިޔެއާއި އިންޑިއާގެ ބައިމަދު މުސްލިމުންގެ މެދުގައި މިކަން ސަމާލުކަމަށް އައިސް ޓުއިޓާގައިމީހުން ބީޖޭޕީއަށް ފާޑު ކިޔާން ފެށިއެވެ.
ކުވެއިތާއި ޤަތަރާއި އީރާނުން އިންޑިއާގެ އެމްބެސެޑަރުން ހާޒިކުކޮށް އިހުތިޖާޖު ކުރިއެވެ. އަދި ސައޫދީ ޚާރިޖިއްޔާއިން ބަޔާނެއ ްނެރުނެވެ. ކުވެިއތުގައި އިންޑިއާގެ އުފެއްދުންތައް ސުޕްރމާކެޓުން ނެގިއެވެ.
އަޒުހަރުންނާއި އޯއައިސީން ވެސް ވަނީ ބީޖޭޕީގެ މަސްއޫލުވެރިޔާގެ ވާހަކަ ކުށްވެރިކޮށްފައެވެ.
އަރަބި ދުނިޔޭގެ މީސްމީޑިއާގއި މީހުން ބުނެފައި ވަނީ އިންޑިއާގެ މަސްއޫލުވެރިން ރަތް ރޮނގު ހުރަސްކޮށްފި ކަމަށާއި އަދި އެކަން ކުށްވެރިކުރާ ކަމަށެވެ.
ޖިންޑާލްގެ ޓުވީޓާ ގުޅިގެން ގިނަ ބަޔެއްގެ ފާޑުކިޔުން އަމާޒު ވުމުން މިސްރުގައި ހުންނަ الهيئة العالمية لنصرة نبي الإسلام އިން ވަނީ މުސްލިމުން #إلا_رسول_الله_يا_مودي ހޭޝްޓެގް ބޭނުން ކުރުމަށް އެދިފައެވެ. މިހާރު ދުނިޔޭގައި އެންމެ ބޮޑަށް ވައިރަލް ވަމުން ދާ ހޭޝްޓެގްގެ ތެރޭގައި މި ހޭޝްޓެގް ހިމެނެއެވެ.
ބީޖޭޕީގެ މަސްއޫލުވެރިޔާގެ މި ހަމަލާ ބިނާ ކޮށްފައި ވަނީ ގަޔާންވާޕީ މިސްކިތުގެ މައސަލާގައި ޓީވީ ޑިބޭޓެއްގައި ބީޖޭޕީގެ ތަރުޖަމާނު ނޫޕޫރު ޝަރްމާ ދެއްކި ވާހަކަތަކަށް ފަހުއެވެ.
ބީޖޭޕީން ވަނީ ޝަރުމާ ސަސްޕެންޑްކޮށް އޭނާގެ މައްސަލަ ބަލަން ފަށާފައެވެ. އަދި ޖިންޑާލް ވަނީ ޕާޓީން ވަކިކޮށްފައެވެ.
