ހިފާފައިވާ ފަލަސްތީނުގެ ބިންތަކުގައި އިންސާނީ އެހީއާ ބެހޭ ކަންކަން ވިލަރެސްކުރާ އދގެ ޖަމިއްޔާ (އޯއެޗްސީއޭ) އިން ނެރުނު ރިޕޯޓެއްގައި، ބުނާ ގޮތުން ގުދުސް އާއި ހުޅަނގު އައްސޭރީގައި، ޔަހޫދީ އިސްތިއުމާރީ ބާރުތަކުން މީހުންގެ ބިންތަކާއި އިމާރާތްތައް ހިފުން އިތުރު ވެފައި ވެއެވެ.
އދގެ ޖަމުއިއްޔާއިން އެކުލަވާލާފައިވާ ރިޕޯޓްގައިވާ ގޮތުން މި އަހަރުގެ ކުރީކޮޅުން ފެށިގެން، ޤުދުސް ހިމެނޭ ގޮތަށް، ހުޅަނގު އައްސޭރީގައި ޒަޔަނިސްޓުން ވަނީ 300 އިމާރާތެއް ތަޅާލާފައެވެ.އެ ޖަމުއިއްޔާއިން ބުނާ ގޮތުން ފަލަސްތީނު މީޙުންނާއި އިޒޒްރޭލުގެ ދެމެދުގެ ގިނަ މައްސަލަތަކުގެ އަސްލަކީވެސް ފަލަސްތީނު މީހުން އިމާރާތް ކުރުމުގެ ހުއްދައަށް އެދުމުން އިޒްރޭލުން އިމާރާތް ކުރުމުގެ ހުއްދަ ނުދިނުމުގެ މައްސަލައެވެ.
އިޒްރޭލުގެ ހަން ފެތުރުމުގެ މަސައްކަތުގެ ސަބަބުން، ހިފާފައިވާ ގުދުސްގައި މިފަދަ ހުއްދަތައް ހޯދުމަކީ ފަލަސްޠީނު މީހުންނަށް ވަރަށް ނާދިރު ދަތިކަމެއް ކަމަށްވެފައިވާ ކަމެއްކަމަށް ބުނެފައިވެއެވެ. އެ ޖަމްޢިއްޔާއިން ތުހުމަތުކުރާ ގޮތުގައި، ޒަޔަނިސްޓު ބާރުން ދަނީ ފަލަސްތީނު މީހުންނަށް ޢިމާރާތްކުރުމަށް ލިބެންހުރި ބިންތަކާއި ޖާގަތައް ހަނިކުރުމާއި ބައިނަލްއަޤުވާމީ ޤާނޫނުތަކާ ޚިލާފަށް ޔަހޫދީން ވަޒަންވެރިކޮށް ފަލަސްތީނު މީހުންގެ ބިންތައް ހިފަމުންނެވެ.
އިސްރާއީލުން 1967 ވަނަ އަހަރު ހުޅަނގު އައްސޭރި ހިފުމަށްފަހު، ގުދުސްގެ ގެދޮރު ތަޅާލުމުގެ ސިޔާސަތެއް ގެންގުޅެއެވެ. ފަސްތީނު މީހުންނަށް އިމާރާތް ކުރުމަށް ހުއްދަ ލިބުމަކީ ޔަހޫދީ އެޕަރތައިޑް ޒަޔަނިސްޓުން އަތުން މުސްތަހީލު ކަމެއް ކަމަށް އދގެ ޖަމުއިއްޔާއިން ބުނެއެވެ.
