ޗައިނާ ޕާކިސްތާން އިކޮނޮމިކް ކޮރިޑޯ (ސީޕެކް)އާއެކު ހަދާފައިވާ ހަކަތައާ ގުޅޭ އެއްބަސްވުންތަކާ މެދު އަލުން މަޝްވަރާ ކޮށް، ޕާކިސްތާންގައި ކަރަންޓް އުފައްދާ ޗައިނާގެ ކުންފުނިތަކަށް ގާތްގަނޑަކަށް 300 ބިލިއަން ރުޕީސް ގެ ފައިސާ ދެއްކުމުގެ ކުރިން، އެ ޑީލްތަކާ މެދު އަލުން މަޝްވަރާ ކުރުމަށް އިންޓަނޭޝަނަލް މަނިޓަރީ ފަންޑް (އައިއެމްއެފް) އިން ޕާކިސްތާނަށް އަންގައިފިއެވެ. އައިއެމްއެފްގެ މި އެންގުން އައިސްފައި ވަނީ ޕާކިސްތާންގެ އިގްތިސާދު ވަރަށް ބޮޑަށް ހަލަބޮލިވެފައި ވަނިކޮށް، ބެއިލް އައުޓް ޕެކޭޖެއް ހޯދުމަށް އައިއެމްއެފްއާއެކު އިސްލާމްއާބާދުން ވާހަކަ ދައްކަމުން ދަނިކޮށެވެ.
ދަ އެކްސްޕްރެސް ޓްރިބިއުން ނޫހުން ރިޕޯޓްކޮށްފައިވާ ގޮތުގައި ބައިނަލްއަގްވާމީ ލޯނުދޭ ފަރާތް ކަމަށްވާ އައިއެމްއެފުން އެދިފައި ވަނީ 1994 ވަނަ އަހަރާއި 2002 ވަނަ އަހަރު އެކުލަވާލި ހަކަތަ އުފެއްދުމުގެ ސިޔާސަތާ އެއްގޮތް ވާގޮތަށް ސީޕެކް އެއްބަސްވުމުގެ ދަށުން އުފައްދާފައިވާ ޗައިނާގެ ކަރަންޓް އުފައްދާ ކުންފުނިތަކާވެސް މުއާމަލާތު ކުރުމަށް އެދިފައެވެ.
އައިއެމްއެފްގެ މިޑިމާންޑް ކުރިމަތި ކޮށްފައި މި ވަނީ ކަރަންޓް އުފައްދާ އަމިއްލަ ފަރާތްތަކާއެކު ޕާކސްތާނު ސަރުކާރުން ދައްކަން ހުރި ފައިސާ ދެއްކުމާ ބެހޭ ގޮތުން މަޝްވަރާއަށް ދިއުމަށް ހުށަހެޅުމުން ޗައިނާއިން އެކަމާ ދެކޮޅު ހެދުމާ ގުޅިގެންނެވެ.ބައެއް މަސްދަރުތަކުން ލަފާ ކުރާ ގޮތުގައި އައިއެމްއެފްއިން ބަލަނީ ޗައިނާގެ ކުންފުނިތަކުން ޕާކިސްތާންގެ ކަރަންޓް އުފައްދާ ފަރާތްތަކަށް ވުރެން ބޮޑު އަގު ކަރަންޓަށް ނަގަމުންދާ ކަމަށެވެ. ޗައިނާ ކުންފުނިތަކަށް 41 ބިލިއަން ރުޕީސްއަށް ޕާކިސްތާނު ސަރުކާރު ދަރާފައި ވެއެވެ. ޕާކސްތާނުން އައިއެމްއެފްއިން ހޯދާ ބެއިލް އައުޓް ޕެކޭޖްގެ މަގްސަދަކީ މިފަދަ ދަރަނިތައް ދައްކައި ޚަލާސް ކުރުމެވެ.
