ސަލާމާއި ސަލަވާތް ލެއްވި ކީރިތި ރަސޫލާގެ ޒާތުފުޅަށް ބަދުބަސް ރައްދުކުރި މައްސަލައަށްފަހު، އިންޑިއާއަށް ވަޑައިގަތް އިސްލާމީ ގައުމެއްގެ އެންމެ ފުރަތަމަ މަސްއޫލުވެރިއަކީ، އީރާންގެ ޚާރިޖީ ވަޒީރު އާމިރު ޢަބްދުﷲއާންއެވެ. ނިއުދިއްލިއާއި މުމްބާއިއާއި ހައިދަރްއާބާދަށް ވަޑައިގަތުމަށްފަހު އޭނާ ވިދާޅުވެފައި ވަނީ ދީނީ ނަފްރަތު އުފެއްދުމަށް މަސައްކަތް ކުރި ފަރާތްތަކާ ދެކޮޅަށް އިންޑިއާއިން އަޅަމުންދާ ފިޔަވަޅާ ބެހެ ގޮތުން ހިތްހަމަ ޖެހިވަޑައިގަންނަވާ ކަމަށެވެ.
ޢަބްދުﷲއާން ވަނީ އިންޑިއާގެ ބޮޑު ވަޒީރު ނަރެންދްރަ މޮދީއާވެސް ބައްދަލު ކުރައްވާފައެވެ.
މިއީ މިދިޔަ އަހަރު އޭނާ މަގާމަށް އައްޔަން ކުރި ފަހުން އިންޑިއާއަށް ކުރެއްވި ފުރަތަމަ ދަތުރުފުޅެވެ.
ޢަބްދުاللهޔާން ވަނީ ބުދަ ދުވަހު ނިއުދިއްލީގައި ނެޝަނަލް ސެކިއުރިޓީ އެޑްވައިޒަރު އަޖިތު ދޯވާލްއާއެކު ދީނަށް ފުރައްސާރަ ކުރުމުގެ މައްސަލައާ ބެހޭ ގޮތުން މަޝްވަރާ ކުރައްވާފައެވެ. އީރާނުގެ ޚާރިޖިއްޔާއިން ފަހުން ނެރުނު ބަޔާނެއްގައި ބުނެފައިވަނީ، ޢަބްދުﷲއާންއަށް ލިބިވަޑައިގެންނެވި ޖަވާބާމެދު ހިތްޕުޅު ހަމަޖެހިވަޑައިގަންނަވާ ކަމަށެވެ.
އަބްދުاللهޔާން ވަނީ ޑޯވާލްއާ ބައްދަލުކުރައްވައި ދީންތަކަށް އިޙުތިރާމް ކުރުމަށް އިންޑިއާއިން ދިން ޔަގީންކަމާއި އަދި އަގީދާގެ މިނިވަންކަމާއި ދީނީ އެއްބައިވަންތަކަށް ތައުރީފް ކުރައްވާފައެވެ.
އީރާނަކީ ދީނަށް ފުރައްސާރަ ކުރި މައްސަލާގައި އިންޑިއާގެ އެމްބެސެޑަރު ހާޒިރު ކުރި ގައުމެކެވެ.
