އިރުމަތީ ލަދާކް ސެކްޓަރގައި ޗައިނާއިން އިންފްރާސްޓްރަކްޗަރތައް ބިނާކުރުން ފަދަ ބޯޑަރު ސަރަހައްދުތަކުގައި ހިނގަމުންދާ ކަންކަން އިންޑިއާއިން ވަރަށް ފަރުވާތެރިކަމާއެކު ބަލަމުންދާ ކަމަށްއިންޑިއާގެ ޚާރިޖީ ވުޒާރާއިން ބުނެއެވެ.
އިންޑިއާގެ ޚާރިޖީ ވުޒާރާގެ ތަރުޖަމާނު އަރިންދަމް ބާގްޗީ މިހެން ވިދާޅުވީ، ލަދަކްގައި އިންޑިއާއާއި އިންވެގެން އޮންނަ ބޯޑަރު ކައިރީގައި ޗައިނާއިން ހަދަމުންދާ ބައެއް ދިފާއީ އިންފްރާސްޓްރަކްޗާތަކަކީ ނުވަނަވަސް ވާން ޖެހޭ ފަދަ އިންފްރާސްޓްރަކްޗާތަކެއް ކަމަށް އެމެރިކާގެ އަސްކަރީ ކޮމާންޑަރަކު ވިދާޅުވުމާ ގުޅިގެންނެވެ.
އެމެރިކާގެ ސިފައިންގެ ޕެސިފިކް ކޮމާންޑިންގ ޖެނެރަލް ޗާރލްސް އޭ ފްލިން އިންޑިއާއަށް ކުރައްވާ ހަތަރު ދުވަހުގެ ދަތުރުފުޅެއްގައި، ލަދަކް ސެކްޓަރގައި ޗައިނާއިން ކުރިއަށް ގެންދާ އިމާރާތް ކުރުމުގެ މަސައްކަތާ ބެހޭ ގޮތުން ވާހަކަ ދެއްކެވިއެވެ. އޭނާ ވިދާޅުވީ މިތަންތާނގައި ޗައިނާއިން ކުރާ މަސައްކަތުން ޗައިނާގެ ނިޔަތް ސާފުވާ ކަމަށެވެ.
އިންޑިއާއިންވެސް ގެންދަނީ އިންޑިއާއާ ވީފަޅީގައި ސަރަހައްދުގައި އުމުރާނީ ތަރައްގީއަށް މަސައްކަތްތަކެއް ފަށާފައެވެ. އެކްސްޓާނަލް އެފެއާޒްގެ ތަރުޖަމާން ވިދާޅުވީ ބޯޑަރު ސަރަހައްދުގެ އިންފްރާސްޓްރަކްޗާ ތަރައްގީ ކުރުމަށް އިންޑިއާ ސަރުކާރުން ފާއިތުވި އަހަރުތަކުގައި ތަފާތު ފިޔަވަޅުތައް އަޅާފައިވާ ކަމަށާއި އަދި އެކަންކަމަކީ، ހަމައެކަނި އިންޑިއާގެ ސްޓްރެޓީޖިކް އަދި ސަލާމަތީ ބޭނުންތައް ފުއްދުމަށް އަޅާފައިވާ ފިޔަވަޅުތަކެއް ނޫން ކަމަށާއި އެއީ، އެ ސަރަހައްދުތަކުގައި ދިރިއުޅޭ މީހުންގެ އިގްތިސަދީ ކުރިއެރުމަށް ވެސް މަގުފަހިވާ ގޮތަށް އަޅާފައިވާ ފިޔަވަޅުތަކެއް ކަމަށެވެ.
