ތާލިބާނުންނާ ދެކޮޅަށް އަފްޣާނިސްތާނުގެ އަންހެނުންގެ ގްރޫޕަކުން މުޒާހަރާކުރީ އެމީހުންގެ ހައްގުތައް ނިގުޅައިގަނެ، ސަރުކާރުގެ މުއައްސަސާތަކުން އަންހެނުން ވަކިކުރަމުންދާ ކަމަށް ބުނެ އެވެ.ތުލޫޢު ނިއުސްއިން ރިޕޯޓްކުރާ ގޮތުގައި އަންހެނުންގެ މުޒާހަރާ އަކީ، އަފްޣާނިސްތާނުގެ އަންހެން ސިވިލް ސާވިސް މުވައްޒަފުންގެ ނަމުގައި ކޮށްފައިވާ މުޒާހަރާއެކެވެ. މުޒާހަރާގެ ބައިވެރިން ވަނީ އަންހެނުން ވަޒީފާއަށް ނުކުތުމުގެ ހުއްދަ ދިނުމަށް ތާލިބާނުންގެ ކިބައިން އެދިފައެވެ. އަދި ސަރުކާރުގެ މުއައްސަސާތަކުގައި އަންހެނުން މަސައްކަތް ކުރުމުގައި ދެމިތިބޭނެތޯ ނުވަތަ ނޫންތޯ ނިންމާނީ އެ ކަންކަން ބަލަހައްޓާ އިދާރާތަކުގެ މަސްއޫލުވެރިން ކަމަށް ތަކުރާރުކޮށް ތާލިބާނުން ބުނަމުން ދިޔަނަމަވެސް އެކަން އޮތް ގޮތް އަދި ސާފެއް ނުވާ ކަމަށް މުޒާހަރާގެ ބައިވެރިން ބުނެއެވެ. އަންހެނުން ބުނާ ގޮތުން ވަޒީފާއަށް އެމީހުން ނުނެރުމުގެ އިތުރުން، ވަޒީފާގައި އެމީހުން ތިބި ކަމެއް ނުވަތަ އެމީހުންނަށް މުސާރަ ލިބޭނެކަމެއް ނުވަތަ ނޫންކަމެއް ސާފު ނުވާ ކަމަށެވެ.
އަންހެނުން ބުނާ ގޮތުގައި އެމީހުންގެ ދީނީ ޝިއާރަށް ޙުރުމަތްތެރިކޮށް ހިތައިހެން އަލުން އަނބުރާ މަސައްކަތަށް ނުކުންނަން ބޭނުން ވެއެވެ. ޓޯލޯ ނިއުސްއިން ރިޕޯޓްކުރި ގޮތުގައި މުޒާހަރާގެ ބައިވެރިންގެ އެއް ޑިމާންޑަކީ ހަ ވަނަ ގްރޭޑަށް ވުރެ މަތީގައި ކިޔަވާ އަންހެން ކުދިންނަށް ސްކޫލްތަކުގައި ކިޔެވުމަށް އަލުން ފުރުސަތު ދިނުމަށެވެ.
