ޕާކިސްތާނުގެ ކުރީގެ ރައީސް ޖެނެރަލް ޕަރްވޭޒް މުޝައްރަފް ދުބާއީގެ ހޮސްޕިޓަލެއްގައި ވެންޓިލޭޓަރުގައި އޮންނެވި ކަމަށް މީޑިއާ ރިޕޯޓްތައް ބުނެފި އެވެ. ޕާކިސްތާނުގެ ނިއުސް ޕޯޓަލް "ދަ ނަމާލް" އިން ބުނީ މުޝައްރަފްގެ ސިއްހީ ހާލުކޮޅު ގޯސްވެ ވެންޓިލޭޓަރަށް ލާފައިވާ ކަމަށެވެ. އާއލާއިން ބުނަނީ ހަސްފަތާލުގައި ކަމަށެވެ. ވެންޓިލޭޓަރުގައި ނޫން ކަމަށެވެ.
މުޝައްރަފް އަވަހާރަވި ކަމަށްވެސް ބައެއް މީޑިއާން ރިޕޯޓްކުރި ނަމަވެސް ފަހުން ވަނީ އެ ވާހަކަތައް ދޮގުކޮށްފަ އެވެ."ކުރީގެ ރައީސް ޖެނެރަލް ޕަރްވޭޒް މުޝައްރަފާ ބެހޭ ގޮތުން ދައުރުވަމުންދާ ހަބަރުތަކުގެ ހަގީގަތެއް ނެތް" ޕާކިސްތާނުގެ ނޫސްވެރިޔާ ވަޖާހަތު ކާޒިމީ ކުރި ޓުވީޓެއްގައި ބުންޏެވެ.
ޕާކިސްތާންގެ ދިފާއީ ވުޒާރާއިން ބުނެފައި ވަނީ މުޝައްރަފް ްއެނބުރި ގައުމަށ ްވަޑައިގަތުމަށް އެއްވެސް ހުރަހެއް ނެތް ކަމަށެއވެ.
ނިއު ދިއްލީއަށް އުފަން މުޝައްރަފް 1999 ވަނަ އަހަރު ވެރިކަމަށް ވަޑައިގެންނެވީ ބޮޑު ވަޒީރު ނަވާޒް ޝަރީފާ ދެކޮޅަށް ގެންނެވި ބަޣާވާތަކުންނެވެ. އޭނާ ވަނީ 2001 އިން 2008 އަށް ޕާކިސްތާނުގެ ރައީސްކަން ކުރައްވައިފަ އެވެ.ކުރީގެ ޑިކްޓޭޓަރު ވަނީ މަދަނީ ސަރުކާރުގެ ރުހުން ނެތި ކާރްގިލް ހަނގުރާމަ ފެށިއެވެ.
މުޝައްރަފްގެ އާއިލާ ޕާކިސްތާންގެ ކަރާޗީއަށް އިންޑިއާ ޕާކސްތާން ބައިވުމަށްފަހު ހިޖުރަކޮށް ކަރާޗީގައި ވަޒަންވެރިވެ ސެއިންޓް ޕެޓްރިކް ސްކޫލްގައި ތައުލީމު ހާސިލުކުރެއްވިއެވެ. އަދި ޕާކިސްތާން މިލިޓަރީ އެކަޑަމީއާ ގުޅިވަޑައިގެން 1964 ވަނަ އަހަރު އެ މުއައްސަސާއިން ގްރެޖުއޭޓްވެވަޑައިގެންނެވި އެވެ.
