ކޮންމެ އަހަރަކު ގާތްގަނޑަކަށް 82،000 މީހުން އިޒްރޭލުގައި ޕްލާސްޓިކް ސާޖަރީ ހައްދައެވެ. އިޒްރޭލު މީހުންގެ މެދުގައި އެންމެ މަގުބޫލު ތިން ޕްރޮސީޖާއަކީ އުރަމަތި ބޮޑު ކުރުމުގެ ސާޖަރީއާއި ބަނޑުން ސަރުބީ ދަމައިގަތުމާއި ނޭފަތް ރީތި ކުރުމުގެ އޮޕަރޭޝަންތަކެވެ. މިމައުލޫމާތަކީ އިޒްރޭލުގެ ސޮސައިޓީ އޮފް ޕްލާސްޓިކް އެންޑް އެސްތެޓިކް ސާޖަރީ (އިސްޕާސް) އިން އާންމުކުރި އާ ޑޭޓާތަކުން ލިބެން ހުރި މައުލޫމާތެވެ.
މިދިޔަ އަހަރު 2021ގައި އިޒްރޭލުގައި އުރަމަތި ބޮޑު ކުރުމަށް ނުވަ ހާސް ސާޖަރީ ހަދާފައި ވެއެވެ. އަދި ބަނޑުން ސަރުބީ ނެގުމުގެ ހަތް ހާސް ސާޖަރީއާއި ނޭފަތް ތިއްތި ކޮށްލުމުގެ ހަ ހާސް ސާޖަރީއާއި އެސްފިޔަ ރީތިކޮށްލުމުގެ 5900 ސާޖަރީއާއި އުރަމަތި ހިއްލުމުގެ 3800 ސާޖަރީއާއި ބަނޑު އެތެރެއަށް ހިންދާ ލުމުގެ 4200 ސާޖަރީ ހަދާފައިވާ ކަމަށް ތަފާސްހިސާބުން ދައްކައެވެ.
އިސްޕާސްއިން ބުނިގޮތުގައި 75 މީހަކު ގައުމުން ބޭރުގައި ހެދި ސާޖަރީގެ ސަބަބުން ފުރާނައަށް ނުރައްކާވެގެން އަލުން އިޒްރޭލުގައި އެމީހުންގެ ސާޖަރީ ހަދަން ޖެހުނެވެ. އެހެންވެ، އިސްޕާސްގެ ރައީސް ޑރ މާއިރް ކޯހެން ވިދާޅުވަނީ އިޒްރޭލުން ބޭރުގައި ޕްލާސްޓިކް ސާޖަރީ ގެ ޕްރޮސީޖާއެއް އިޚުތިޔާރު ކުރުން ރަގަޅެއް ނޫން ކަމަށެވެ.
އޭނާ ވިދާޅުވާ ގޮތުގައި މިއިން ކޮނެމް ޕްރޮސީޖާއަކީ އޭގައި ނުރައްކާތެރުކަން އެކުލެވޭ ކަމެއް ކަމަށާއި މި ކަމަށް ކުރިމަތި ލުމުގެ ކުރިން އެކަން އެނގެންވާނެ ކަމަށެވެ.
ޕްލާސްޓިކް ސާޖަރީގެ އިތުރުން އިޒްރޭލުގައި ރީތިވުމާ ގުޅޭ އެތައް ލައްކަ އިންޖެކްޝަނެއްވެސް ޖަހައެވެ. މިދިޔަ އަހަރު ގާތްގަނޑަކަށް 630،000 އިންޖެކްޝަން ޖަހާފައިވާ ކަމަށް ތަފާސްހިސާބުން ދައްކައެވެ. އިންޖެކްޝަންގެ އެންމެ މަގްބޫލު ވައްތަރަކީ ރޫފިލުވުމަށާއި ބުޑު ބޮޑު ކުރުމަށް ޖަހާ ބޮޓޮކޮސްގެ އިންޖެކްޝަނެވެ.
އިޒްރޭލުގައި ޕްލާސްޓިކާއި އާޓިސްޓިކް ސާޖަރީގެ ދާއިރާގައި މަސައްކަތް ކުރާ ހާއްސަ 300 އެއްހާ ޑޮކްޓަރުން މިހާރުވެސް މަސައްކަތް ކުރަމުން ދެއެވެ. މިމީހުންނަކީ ޑޮކްޓަރީކަން ކިޔަވައި ތަޖުރިބާ ލިބުމަށްފަހު އިތުރު ތަމްރީން ހަދާފައިވާ މިސް މީހުންނެވެ. އެގޮތުން އަސާސީ މެޑިކަލް ޑިގްރީ ލިބުމުގެ މަރުހަލާއާއި އެކު ޖުމްލަ 13 ވަރަކަށް އަހަރު މިމީހުން ކިޔެވުމުގައި ހޭދަ ކުރެއެވެ.
