ގެރި ގުއިގެ ޝިޕްމެންޓެއް ކުވެއިތަށް ފޮނުވާލުމަށް އިންޑިއާއިން ތައްޔާރުކޮށްފިއެވެ. ކުވައިތުގެ ދަނޑުވެރި ކަމުގެގ ދާއިރާގެ ސައިންޓިސްޓުން ބުނާ ގޮތުގައި ނަހަފަސް ސަހަރާ ބޮޑު ކުވެއިތުގައި ގެރި ގުއި ބޭނުން ކޮށްގެން ދަނޑިވެރިކަން ކުރުމުން ފަސްގަނޑު މުއްސަނދި ކޮށްދެއެވެ.
އިންޑިއާއިން ކުވެއިތަށް ފޮނުވާ ގެރިގުއި ކޮންޓޭނާ ފުރާފައި ވަނީ ޖައިޕޫރުންނެވެ. ކުވެއިތަށް މި ކޮންޓެއިނާ ދާނީ މުމްބާއީ މަގުންނެވެ.
އިންޑިއާގެ ކަސްޓަމްސްއިން މައުލޫމާތު ދީފައިވާ ގޮތުގައި މި ކޮންޓެއިނާގައި 192 މެޓްރިކް ޓަނުގެ ގެރިގުއި ހިމެނެއެވެ. މީގެ އިތުރުން އެހެން އެތައް ޝިޕްމެންޓަކަށްވެސް ކުވެއިތުން އޯޑަރު ޖަހާފައި ވެއެވެ.
އިންޑިއާގައި 30 ކުރޯޑު މީހުން ޖަނަވާރު ގެންގުޅެއެވެ. އަދި އެފަރާތްތަކުން ދުވާލެއްގެ މައްޗަށް 30 މިލިއަން ޓަނުގެ ގެރި ގުއި ނަގައެވެ. އެއިން 30 އިންސައްތަ އަކީ ކެއްކުމަށް އެނދުމުގައި ބޭނުން ކުރާ ބައެވެ. އެހެން ގައުމުތަކުގައިވެސް ގެރި ގުޔަކީވެސް ހަކަތައަށް ބޭނުން ކުރާ މާއްދާއެކެވެ. އިނގިރޭސިވިލާތުގައި އަހަރެއްގެ މައްޗަށް 1.6 މިލިއަން ޔުނިޓް ގެ ކަރަންޓު ގެރިގުއިން އުފައްދައެވެ. އަދި ޗައިނާގައި 15 މިލިއަން އާއިލާއަށް ބޭނުންވާ ހަކަތަ ގެރި ގުރިން ފޯރުވައި ދެއެވެ.
އިންޑިއާއިން ގެންދާ ގެރިގުޔަކީ ކުވެއިތުގެ ކަދުރު ރުކުގެ ދަނޑުވެރިކަމުގައި ބޭނުން ކުރާނެ މާއްދާއެކެވެ. ކުވެއިތުގެ ސައިންޓިސްޓުން ބުނާ ގޮތުގައި ގެރިގުއި ބޭނުންކުރުމުން ކަދުރުގެ މަތިވައް ރަގަޅުވެ، މޭވާގެ ސައިޒު ބޮޑު ވެއެވެ.
