ބަންގްލަދޭޝްގެ އިންފޮމޭޝަން އެންޑް ބްރޯޑްކާސްޓިން މިނިސްޓަރު ޑރ.ޙަސަން މަޙްމޫދު ވިދާޅުވީ، ނަބިއްޔާصلى الله عليه وسلم އަށް ނިސްބަތްކޮށް އިހާނެތި ބަސްތައް ރައްދުކުރި މައްސަލާގައި ފިޔަވަޅު އެޅުމަކީ އިންޑިއާގެ ދާޚިލީ ކަމެއް ކަމަށާއި، ބަންގްލަދޭޝް ސަރުކާރުން އެކަމަށް އިޖާބަ ދޭކަށް ނުޖެހޭނެ ކަމަށެވެ.
އޭނާ ވިދާޅުވީ މިއީ، ބަނގްލަދޭޝްގެ މައްސަލައެއް ނޫން ކަމަށާއި އެއީ އިންޑިއާގެ އަމިއްލަ މައްސަލައެއް ކަމަށެވެ. އެހެންވެ ބަންގްލަދޭޝްއިން އެއްޗެއް ބުނަން ނުޖެހޭ ކަމަށެވެ. މަހުމޫދު މިފަދައިން ވާހަކަ ދައްކާފައި ވަނީ އިންޑިއަން އެކްސްޕްރެސް ހިމެނޭ ގޮތަށް އިންޑިއާގެ ނިއުސް އޯގަނައިޒޭޝަންތަކުގެ ނޫސްވެރިންގެ ގްރޫޕަކާ އެކު ބޭއްވި ބައްދަލުވުމެއް ގައެވެ.
ކީރިތި ރަސޫލާއަށް ފުރައްސާރަ ކުރި މައްސަލައިގައި އިންޑިއާގެ ކަމާބެހޭ ފަރާތްތަކުން ފިޔަވަޅު އަޅާފައިވާތީ މަހްމޫދު ވަނީ އެކަމަށް މަރުހަބާ ވިދާޅުވެފައެވެ.
ބީޖޭޕީން ވަނީ ނުޕޫރު ޝަރްމާ ތަރުޖަމާނު ސަސްޕެންޑްކޮށް މައްސަލަ ބަލަން ފަށާފައެވެ. އަދި މުމްބާއީގައި ފުލުހުންވެސް ދަނީ އޭނާގެ މައްސަލަ ބަލަމުންނެވެ. އަނެއް ޖިންދަލް ތަރުޖަމާން ވަނީ ބީޖޭޕީގެ މެމްބަރުކަމުން ވަކިކޮށްފައެވެ. މަހުމުދު ވިދާޅުވީ މި މައްސަލަ އިތުރަށް ހުޅު ރޯކުރުން ރަގަޅެއް ނުވާނެ ކަމަށެވެ.
