އެމެރިކާގެ ކޮވިޑް-19 ރެޕިޑް ޓެސްޓް ކިޓްތަކެއްގެ ޑުޕްލިކޭޓް ޗައިނާގައި އުފައްދައި އެތަކެތި ގަނެ ޓައިވާންގެ ސަރުކާރުގެ އިދާރާތަކަށް ސަޕްލައިކުރިކަމަށް ތުހުމަތުކުރެވޭ ކުންފުންޏެއްގެ ސީއީއޯއެއް މަކަރާއި ހީލަތުގެ ތުހުމަތުގައި އެކަހެރިކޮށް ބަންދުކޮށްފައިވާ ކަމަށް ޓައިވާންގެ މިނިސްޓްރީ އޮފް ޖަސްޓިސް އިންވެސްޓިގޭޝަން ބިއުރޯއިން ބުނެފިއެވެ.
ޓައިވާން ޕްރޮސެކިއުޓަރުން ބުނާ ގޮތުގައި، ސީއީއޯ ހުއާންގް ނަން-ޗިންގްވަނީ ސޭފްވޭ އޯއޭ ސަޕްލައި ކޯ ލިމިޓެޑް، ކުންފުނިން ޗައިނާގެ ހަންގްޒޫގައި ހުންނަ ފެކްޓްރީއަކުން 2.37 މިލިއަން ރެޕިޑް ޓެސްޓް ކިޓް އުފައްދާފައެވެ. މި ކިޓްތައް ލޭބަލްކޮށްފައި ވަނީ "މޭޑް އިން ދަ ޔޫއެސްއޭ" ގެ ގޮތުގައެވެ.
މި ކޮވިޑް-19 ރެޕިޑް ޓެސްޓް ކިޓްތަކަކީ ފެންވަރު ދަށް އަދި އެއްވެސް ސުޕަރވިޝަންއަކާ ނުލައި ޗައިނާގައި އުފައްދާފައިވާ ކިޓްތަކެއް ކަމަށް ޓައިވާން ސަރުކާރުން ބުނެއެވެ.
ޓައިވާން ޕްރޮސެކިއުޓަރުން ވަނީ ފަސް އިމާރާތަކަށް ވަދެ، އެ ކުންފުނީގެ އޮފީހާއި ގުދަންތަކަށް ވެސް ރެއިޑްކޮށްފަ އެވެ.
