ހޮންގްކޮންގްގެ ސްކޫލްތަކަށް އަލަށް ތައްޔާރުކޮށްފައިވާ ޓެކްސްޓް ފޮތްތަކުގައި ހޮންގކޮންގ އިނގިރޭސިންގެ އިސްތިއުމާރުގެ ދަށުގައި އޮތްކަމަކަށް ކިޔައެއް ނުދޭނެއެވެ. އެހެންނަމަވެސް މި ފޮތްތަކުގައި ބުނެފައި ވާނީ ހޮންގކޮންގގައި އިނގިރޭސިން ވެރިކަން ކުރި ކަމަށް ބުނާނެއެވެ.
މިއީ ޗައިނާއިން ބުނަމުންދާ ވާހަކައަކަށް ބާރުއެޅުމަށް ބަޔާން ކުރާ ނުކުތާއެކެވެ. ޗައިނާއިން އަބަދުވެސް ޔަގީން ކޮށްދެނީ އެއްވެސް އިރެއްގައި ޗައިނާއިން ހޮންގކޮންގގެ ސިޔާދަތު ދޫކޮށް ނުލާ ކަމަށެވެ. ޗައިނާއިން ހޮންގްކޮންގް އިނގިރޭސިންނާ ހަވާލުކުރީ 1800 ގެ އަހަރުތަކުގައި އޮޕިއަމް ހަނގުރާމައިގެ މުއާހަދާތަކުގެ ސަބަބުން ކަމަށެވެ. 150 އަހަރަށްވުރެ ގިނަ ޒަމާން ވަންދެން ވެރިކަން ކުރުމަށްފަހު 1997 ވަނަ އަހަރު އިނގިރޭސިވިލާތުން ވަނީ ހޮންގްކޮންގް އަނބުރާ ޗައިނާއާ ހަވާލުކޮށްފައެވެ.
އިނގިރޭސިންގެ ވެރިކަމުގައި ހޮންގކޮންގއަކީ، ވަރަށް ފުން ވަރުގަދަ ބަނދަރެއް އޮތް، އިގްތިސާދީ ގޮތުން ހަރަކާތްތެރި ވަރަށް ފޯރިގަދަ ސިޓީ ސްޓޭޓެކެވެ. ދުނިޔޭގެ އެންމެ ކުރިއަރާފައިވާ އެއް މާލީ މަރުކަޒުގެ ގޮތުގައި ހޮންގކޮންގ މަޝްހޫރު ވެގެން ދިޔައެވެ.
1841 ން 1941 އަށް އިނގިރޭސި ވިލާތުން ހޮންގކޮންގގައި ވެރިކަން ކުރިއެވެ. ހޮންގކޮންގ އިނގިރޭސިންނާ ޙަވާލު ކުރީ ޗިންގ ދަރިކޮޅުގެ ވެރިކަމުގައެވެ. ޗައިނާއިން ބުނާ ގޮތުން އެއީ ގަދަކަމުން ސޮއިކުރުވާފައިވާ އެއްބަސްވުމެކެވެ.
