އެމެރިކާގެ ވެރިރަށް ވޮޝިންޓަން ޑީސީގައި ހުންނަ ސައުދީ އެމްބަސީ ކުރިމަތީގައި އޮންނަ މަގުގެ ނަން ޖަމާލް ޚާޝުގްޖީގެ ނަމަށް ބަދަލުކޮށްފި އެވެ.
އެމެރިކާގެ ވެރިރަށް ވޮޝިންޓަނުގެ ކައުންސިލުން ބުނީ ޖަމާލް ޚާޝުގްޖީ ވޭއަށް އެމަގުގެ ނަން ބަދަލުކުރީ، ޚާޝުގްޖީގެ ހަނދާންތައް ފަނޑުވިޔަ ނުދިނުމަށެވެ.
އިންސާނީ ހައްގުތަކަށް މަސައްކަތް ކުރާ އެކްޓިވިސްޓުންނާއި، އެމެރިކާގެ ކޮންގްރެސްގެ މެމްބަރުންނާއި، ލޯކަލް ކައުންސިލަރުން ވަނީ ނިއު ހެމްޕްޝަޔާ އެވްނިޔުގައި ހުންނަ ސައޫދީ އެމްބަސީގެ ބޭރުގައި އޮތް މަގުގެ ނަން ބަދަލުކުރުމުގެ ރަސްމިއްޔާތުގައި ބައިވެރިވެފައެވެ.
