ޕާކިސްތާނާއި ދެކުނު އެފްރިކާއިން ކުރެ އެއްގައުމުން އަނެއް ގައުމުގެ އެމްބަސީއަށް ވެހިކަލްތައް ރަޖިސްޓްރީ ކުރުން މަޑު ޖައްސާލުމުން ދެ ގައުމުގެ ސިޔާސީ ގުޅުން ހީނަރު ވެއްޖެއެވެ. ރަސްމީ ކޮށް ދެގައުމުން ކުރެ އެއްވެސް ގައުމަކުން މިއިން ފިޔަވަޅަކާ ބެހޭ ގޮތުން އެއްޗެއް ބުނެފައެއް ނުވެއެވެ. މި ޑިޕްލޮމެޓިކް ހޫނުގަނޑު ފެށުނު ހިސާބަކީ ދެކުނު އެފްރިކާގެ ރެވެނިއު ސާވިސަސް ޑިޕާޓްމަންޓުން ޕާކިސްތާނު އެމްބަސީއާ ދެކޮޅަށް ތަހުގީގެއް ފެށުމާ ގުޅިގެންނެވެ. މީޑިއާއިން ރިޕޯޓްކޮށްފައިވާ ގޮތުގައި ދެކުނު އެފްރިކާގައި ތިބޭ ޕާކިސްތާނުގެ ޑިޕްލޮމޭޓުންނަށް ތުހުމަތުކުރެވިފައިވަނީ ބޭރުން އެތެރެ ކޮށްފައިވާ ވެހިކަލްތަކެއް އެފަރާތްތަކުން ވިއްކާކަމަށެވެ. އޭގެ އިތުރުން ޕާކިސްތާނުން ދެކުނު އެފްރިކާއަށް ކަނޑައަޅާފައި ހުންނަވާ އެމްބަސެޑަރ މަޒްހަރް ޖާވިދުއާއި، ކުރީގެ ޑެޕިއުޓީ އެމްބަސެޑަރ އަދުނާން ޖާވިދުގެ މައްސަލައެއްވެސް ރެވެނިއު ސާވިސްއިން ބަލަމުން ދެއެވެ. ނަމވެސް އެބޭފުޅުން ވަނީ އެ ތުހުމަތުތައް ދޮގު ކުރައްވާފަ އެވެ.ޕާކިސްތާނުގެ ޖިއޯ ނިއުސް ގައިވެސް މި ވާހަކަ ރިޕޯޓް ކޮށްފައި ވެއެވެ.
ދެކުނު އެފްރިކާއިން ކުރި ތުހުމަތަށް ރައްދު ދިނުމުގެ ގޮތުން ޕާކިސްތާނު ސަރުކާރުން ވަނީ ދެކުނު އެފްރިކާގެ އެމްބަސީގެ ވެހިކަލްތައް ރަޖިސްޓްރީކުރުމާއި، އެ ވެހިކަލްތަކުގެ މިލްކުވެރިކަން ބަދަލުކުރުމަށް ހުރަސްއަޅާފައެވެ.
