އެމެރިކާގެ ރައީސް ޖޯ ބައިޑަން، އެމެރިކާގެ ޑެލަވެއާ ސްޓޭޓުގައި ޗުއްޓީ ހޭދަކުރެއްވުމަށް ވަޑައިގެން އުޅުއްވަނިކޮށް ބައިސިކަލުން ވެއްޓި ވަޑައިގެންފިއެވެ. އުމުރުފުޅުން 79 އަހަރުގެ ރައީސް ވެއްޓިވަޑައިގަތުމާއެކު ސެކިއުރިޓީން އެއްވެ އެމަނިކުފާނު ބައިސިކަލް ދަށުން ސަލާމަތް ކުރިއެވެ. ބައިޑެން ވިދާޅުވީ ފިޔަވަޅުގައި ބޫޓު ތާށިވީ ކަމަށެވެ.
ނޫސްވެރިންނާ ވާހަކަ ދައްކަވަމުން އޭނާ ވިދާޅުވީ އެއްވެސް ހާނީއްކައެއްވެ ވަޑައިގެންފައި ނުވާ ކަމަށެވެ. އަދި އާއިލާއާއެކު ހަފްތާ ބަންދު ހޭދަ ކުރައްވާނެ ކަމަށެވެ.
