އަފްޣާނިސްތާނުން ރެފިއުޖީންގެ ގޮތުގައި ޕާކިސްތާނަށް ވަންނަމުންދާ މީހުންގެ އަދަދު އިތުރުވާކަމަށް އދގެ ރެފިއުޖީންނާ ބެހޭ އޭޖެންސީން ބުނެއެވެ.
ކޮންމެ އަހަރެއްގެ ޖޫން މަހުގެ 20 ވަނަ ދުވަހު ފާހަގަކުރާ ދުނިޔޭގެ ރެފިއުޖީންގެ ދުވަހުގެ މުނާސަބަތުގައި ރެފިއުޖީންނާ ބެހޭ އދގެ އިދާރާއިން ބުނެފައި ވަނީ އެ އިދާރާއަށް އެނގިފައިވާ ގޮތުގައި 2021 ވަނަ އަހަރުގެ ޖެނުއަރީ މަހުން ފެށިގެން ހިމާޔަތް ހޯދުމަށް އެދި 250،000 އަށް ވުރެ ގިނަ އަފްޣާނިސްތާނުގެ ރައްޔިތުން ޕާކިސްތާނަށް އެތެރެވެފައިވާ ކަމަށެވެ. އަދި މުޅި ދުނިޔޭގެ ނިސްބަތަށް ބަލާއިރު މިއަދަދު އެތައް ގުނައަށް އިތުރުވާނެކަމަށެވެ.
ޔޫން އެޗްސީއާރުން ބުނިގޮތުގައި އެ އިދާރާއިން ދަނީ އަފްޣާން ރެފިއުޖީންނަށް ޕާކިސްތާންގައި އިންފްރާސްޓްރަކްޗާ އިތުރު ކުރުމަށް ޕާކސްތާން ސަރުކާރާއެކު މަޝްވަރާތައް ބާއްވަމުންނެވެ.
