އަފްޣާނިސްތާންގެ ދެކުނަށް އައި ބިންހެލުމުގައި ތިން ހާހަށް ވުރެން ގިނަ ގެތައް ހަލާކުވެ ބިމާހަމަވެފައި ވެއެވެ. ހާހެއް ހައި މީހުން ވަނީ މަރުވެފައެވެ.
މި ބިންހެލުމުގައި 118 ހާހެއް ހައި ކުޑަ ކުދިންނަށް އަސަރުކޮށްފައިވާ ކަމަށް ސޭވް ދަ ޗިލްޑްރެންއިން ބުނެއެވެ. މިކުދިންނަށްވެސް އެހީ ފޯރިވައި ދެވޭނެ ގޮތެއް ނެތެވެ.
ބިން ހެލުމުން އެންމެ ބޮޑަށް ގެއްލުން ލިބިފައިވާ މީހުންނަކީ އަންހެނުންނެވެ. ތުލޫޢު ނިއުސްއިން ބުނިގޮތުގައި އަދިވެސް ގިނަ އަދަދެއްގެ އަންހެނުންނަށް ފަރުވާ ނުލިބިވެއެވެ. އޭގެ ސަބަބަކީ އަންހެނުންނަށް ފަރުވާ ދޭނެ އަންހެން ސިއްޙީ އެހީތެރިންނާއި ޑޮކްޓަރުން ނެތުމެވެ.
މަސްއޫލު ފަރާތްތަކުން ބުނާ ގޮތުގައި ކޮލެރާ ފެތުރިދާނެ ކަމުގެ ބިރުހީވާން ފަށާފައި ވެއެވެ. މިހާތަނަށް ފަސް ލައްކައެއްހާ މީހުންނަށް ބޭރަށް ހިންގުން ޖެހިފައިވާ ކަމަށްވެސް ރިޕޯޓް ކޮށްފައި ވެއެވެ.
