ޕާކިސްތާނުގެ މިނިސްޓްރީ އޮފް އިކޮނޮމިކް އެފެއާޒުން ބުނީ ބޭރު ގައުމުތަކުން ޕާކިސްތާންގައި ހިންގާ މަޝްރޫއުތަކުގެ 43 އިންސައްތަ މަޝްރޫއުތަކަކީ މައްސަލަތަކެއް ހުރި ކުރިއަށް ނުދާ މަޝްރޫއުތަކެއް ކަމަށެވެ.އެއީ ޖުމުލަ 35 ބިލިއަން ޑޮލަރުގެ މަޝްރޫއުތަކެކެވެ. ޕާކިސްތާންގެ ފޮރިން މިނިސްޓްރީން ބާއްވާފައިވާ ބޭރުގެ މަޝްރޫއުތަކުގެ ރިވިއު ބައްދަލުވުމުގައި 15 ބިލިއަން ޑޮލަރު (43 ޕަސެންޓް) އަށްވާ މަޝްރޫއުތަކަކީ މައްސަލަތަކެއް ދިމާވެފައިވާ ޕްރޮޖެކްޓްތަކެއްކަމަށް ފާހަގަކުރެވޭ ޕްރޮޖެކްޓްތަކެވެ. މި މަޝްރޫއުތަކުގެ ތެރޭން ކަރަންޓު އުފައްދާ މަޝްރޫއުތަކުގެ ހިއްސާ އަކީ ގާތްގަނޑަކަށް 3.3 ބިލިއަން ޑޮލަރެވެ. މިއިންވެސް 2 ބިލިއަނެއްހައި ޑޮލަރުގެ މަޝްރޫއުތަކުގައި މައްސަލަ އުޅެއެވެ. ޕާކިސްތާންގައި ހަކަތައިގެ ދާއިރާއަކީ ގައުމުގެ ހަމަޖެހުމަށް އޮތް ގޮންޖެހުމެއްގެ ގޮތުގައި މިހާރު ބެލެވޭ ދާއިރާއެކެވެ.
މި ރިވިއު ބައްދަލުވުމުގެ ރިޔާސަތު ބެލެހެއްޓެވި އިކޮނޮމިކް މިނިސްޓަރ ސަރުދާރު އަޔާޒް ސާދިގު ވިދާޅުވީ ޕާކިސްތާންގެ ހަކަތައިގެ ދާއިރާގެ މަޝްރޫއުތަކުގެ ސަބަބުން މުޅި އިގުތިސާދަށާއި އާންމު ރައްޔިތުންނަށް ބޮޑެތި ނޭދެވޭ އަސަރުތަކެއް ކުރާ ކަމަށް ވިދާޅުވެފައެވެ.
އޭނާ ވިދާޅުވިގޮތުގައި، ހަކަތައަކީ، ޞިނާޢީ އަދި ވިޔަފާރީގެ ޙަރަކާތްތައް ދެމެހެއްޓުމަށްޓަކައި، އިޤްތިޞާދީ ދުވެލި ކުރިއަށް ގެންދިޔުމަށްޓަކައި އެންމެ މުހިންމު އެއް ދާއިރާއެވެ. އަދި އޭނާ ވަނީ މަޝްރޫޢުތައް ލަސްވާ މައްސަލައަށް ޙައްލެއް ހޯދުމަށް އެދިވަޑައިގެންފައެވެ.
