އިންޑިއާ ސަރުކާރުން ދާދި ފަހުން ޕާލަމެންޓަށް މައުލޫމާތު ދެމުން ބުނީ ނިމިދިޔަ 2020-21 ވަނަ އަހަރަކީ އިންޑިއާއަށް އެންމެ ގިނައިން ބޭރުގެ އިންވެސްޓްމެންޓް ފައިސާ ލިބުނު އަހަރު ކަމުގައެވެ. އެ އަހަރު އިންޑިއާއަށް ފޮރިން ޑައިރެކްޓް އިންވެސްޓްމަންޓް (އެފްޑީއައި)ގެ ގޮތުގައި 81.97 ބިލިއަން ޑޮލަރު ލިބިފައި ވެއެވެ. އިންޑިއާއަށް އެފްޑީއައި ލިބޭ މިންވަރުން ދައްކައި ދެނީ ދުނިޔޭގެ އިންވެސްޓަރުންގެ މެދުގައި އިންވެސްޓްމަންޓް މަންޒިލެއްގެ ގޮތުގައި އިންޑިއާގެ މަގްބޫލުކަމެވެ.
އިންޑިއާއަށް ބޭރުގެ އިންވެސްޓްމަންޓްތައް ގެނައުމަށް ސަރުކާރުން ތަފާތު މަސައްކަތްތައް ފަށާފައިވާ ކަމަށް އިންޑިއާ ސަރުކާރުން ބުނެއެވެ. އަދި 2014 ވަނަ އަހަރު ވޯލްޑް ބޭންކުގެ ޑުއިން ބިޒްނަސް ރިޕޯޓްގައި 2020 ގެ ރޭންކިންގައި އިންޑިއާ ވަނީ 142 ދަރަޖަ އިން 63 ވަނައިގެ ކުރިއެރުމެއް ހޯދާފައެވެ.
އިންޑިއާގެ އިޤްތިޞާދަށް ލިބޭ ބޮޑު ކުރިއެރުމެއްގެ ގޮތުން، އިންޑިއާގައި ފޮރިން ޑައިރެކްޓް އިންވެސްޓްމަންޓް އަހަރުން އަހަރަށް 1.95 އިންސައްތަ މައްޗަށް ދެއެވެ.
