އެމެރިކާގެ ގާނޫނީ ވަކީލު ނޫރީ ތުރްކެލް ވަނީ އެމެރިކާގެ ސަރުކާރުގެ ދީނީ މިނިވަންކަމާ ބެހޭ ކޮމިޝަންގެ ރައިސްގެ މަގާމަށް އިންތިޚާބު ކޮށްފައެވެ. ނޫރީއަކީ، ޗެއަރމަން މާއޯ ޗައިނާގެ ކަލްޗަރަލް ރިވޮލިއުޝަން ހިންގެވި ދުވަސްވަރު ޝިންޖިއާމންހެ ކަޝްގަރުގެ ހުރަގެއެއްގައި ބަންދުކޮށްފައި ތިބި މުސްލިމު ދެމަފިރިއަކަށް ލިބުނު ކުއްޖެކެވެ.
އޭނާއަކީ މި މަގާމަށް އައްޔަން ކުރެވުނު އުއިގޫރު ދަރިކޮޅުގެ ފުރަތަމަ މީހާއެވެ.
ރޭޑިއޯ ފްރީ އޭޝިއާއިން ރިޕޯޓްކުރާ ގޮތުގައި ދީނީ މިނިވަންކަމުގެ މައްސަލަތައް ބަލާ ކޮމިޝަންގެ އައު ރައީސް މަސައްކަތް ކުރައްވާނީ "އުއިގޫރު ނަސްލު ނައްތާލުމަށް ޗައިނާއިން ހިންގާ ކަމަށް ތުހުމަތު ކުރެވޭ ޖަރީމާގެ ޝިކާރައަކަށްވި ހިޖުރަވެރި ނަސްލެއްގެ ނުސީދާ ވިކްޓިމްއެއް" ގެ ގޮތުގައެވެ.ނޫރީއަކީ ވަކާލާތު ކުރުމުގެ ތަޖުރިބާ ލިބިވަޑައިގެން ހުންނެވި ބޭފުޅެކެވެ. އުމުރުން 50 އަހަރުގެ ނޫރީ ވަނީ ވަނީ ވޮޝިންޓަންގައި ހުންނަ އުއިގޫރު ހިއުމަން ރައިޓްސް ޕްރޮޖެކްޓްގެ ބޯޑުގެ ޗެއާމަންކަން ވެސް ކުރައްވައިފަ އެވެ.
ޗައިނާގެ ބާރުގެ ދަށުގައިވާ ޝިންޖިއާން އުއިގޫރު އޮޓޮނޮމަސް ރީޖަންގައި އުއިގޫރު ދަރިކޮޅުގެ 12 މިލިއަން މީހުންގެ ހާލާ މެދު ދުނިޔޭގެ ހޭލުންތެރިކަން އިތުރު ކުރުމުގައި އޭނާ ވަނީ ބޮޑު ދައުރެއް އަދާކުރައްވައިފައެވެ.
