ރަޝިޔާގެ އަސްކަރީ ހަރަކާތްތަކަށާއި އެގައމުގެ ދިފާއީ ސާމާނު އުފައްދާ މަރުކަޒުތަކަށް ތާއީދުކުރާ ކަމަށް ބުނެ، އެމެރިކާގެ ރައީސް ޖޯ ބައިޑަންގެ ސަރުކާރުން ޗައިނާގެ ފަސް ކުންފުންޏެއް ބްލެކްލިސްޓަށް އިތުރުކޮށްފިއެވެ.
މިއީ ޔޫކްރެއިންއާ ދެކޮޅަށް ރަޝިޔާއިން ކުރާ ހަނގުރާމައިގައި އަޅާފައިވާ ދަތިކުރުމުގެ ފިޔަވަޅުތައް ތަންފީޒު ކުރުމުގެ އޮތުން އަޅާފައިވާ ފިޔަވަޅެއްކަމަށް އެމެރިކާ ސަރުކާރުން ބުނެއެވެ.
ވިޔާފާރީގެ ދާއިރގައި ބްލެކްލިސްޓް ކުރާ ކުންފުނިތަކުގެ ލިސްޓް ބަލަހައްޓާ ކޮމާސް ޑިޕާޓްމެންޓުން ބުނީ، ލިސްޓް ކޮށްފައިވާ ކުންފުނިތަކުން ފެބްރުއަރީ 24 ގެ ހަނގުރާމައިގެ ކުރިން ރަޝިއާގެ ފަރާތްތަކަށް ދިފާއީ ސާމާނު ސަޕްލައިކޮށްދީފައިވާ ކަމަށާއި، ދަތިކުރުމުގެ ފިޔަވަޅު އަޅާފައިވާ ރަޝިއާގެ އިދާރާތަކަށް ސާމާނު ސަޕްލައި ކުރުމުގެ ކޮންޓްރެކްޓް އަދިވެސް ކުރިއަށް ގެންދާ ކަމަށެވެ.
އެމެރިކާގެ ފެޑެރަލް ރެޖިސްޓަރ ބަލަހައްޓާ އިދާރާއިން ބުނިގޮތުގައި ގޮތުގައި އެ އިދާރާއިން ވަނީ ރަޝިޔާ، ޔޫއޭއީ، ލިތުއޭނިއާ، ޕާކިސްތާން، ސިންގަޕޫރު، އިނގިރޭސިވިލާތް، އުޒްބެކިސްތާން އަދި ވިއެޓްނާމް ފަދަ ޤައުމުތަކުން 36 ކުންފުންޏެއް ބްލެކްލިސްޓަށް އިތުރުކޮށްފައެވެ. މި 36 ކުންފުނީގެ ތެރެއިން 25 ކުންފުންޏަކީ ޗައިނާގައި އޮޕަރޭޓް ކުރާ ކުންފުނިތަކެވެ.
"އެމެރިކާއިން ބުނީ މި މަސައްކަތުގެ މަގްސަދަކީ، އެއްވެސް ފަރާތަކުން ރަޝިޔާއަށް ތާއީދު ކުރަން މަސައްކަތް ކޮށްފިނަމަ އެމެރިކާއިން ފިޔަވަޅު އަޅާނެކަން އެންގުން ކަމަށް ކޮމާސް ފޯ އިންޑަސްޓްރީ އެންޑް ސެކިއުރިޓީގެ އަންޑަ ސެކްރެޓަރީ އެލަން އެސްޓީވްޒް ނެރުއްވި ބަޔާނެއްގައި ވިދާޅުވި އެވެ.
އެމެރިކާއިން ބްލެކް ލިސްޓް ކުރާ ކުންފުނިތަކަށް އެމެރިކާގެ ސަޕްލަޔަރުން މުދާ ޝިޕް ކުރަން ބޭނުންނަމަ ދުރާލާއި އެކަމަށް ކޮމާސް ޑިޕާޓްމަންޓްގެ ލައިސަންސް ބޭނުންވުމެވެ.
