ހުޅުމާލެއިން ޒުވާން އަންހެނަކު ގެއްލިގެން ހޯދާ ކަމަށް މޯލްޑިވްސް ޕޮލިސް ސާވިސަސް އިން ރޭ މައުލޫމާތު ދީފި އެވެ.
ގެއްލިގެން ހޯދަމުންދަނީ ހުޅުމާލޭގައި ދިރިއުޅޭ އުމުރުން 18 އަހަރުގެ ޅ. ނައިފަރު ލޮޓަސްމާގެ، ޝިއުނީ ޙުސެއިން ސިޔާނެވެ.
ޝިއުނީ ޙުސެން ސިޔާނު ވީނުވީއެއް ނޭނގި އާއިލާއަށް ވެސް ޚަބަރެއް ނުވެގެން ފުލުހުންނަށް ރިޕޯޓު ކޮށްފައިވަނީ ޖޫން 24 ވަނަ ދުވަހު ކަމުގައި ފުލުހުންގެ އިދާރާއިން މައުލޫމާތު ދިނެވެ.
ޝިއުނީ ގެއްލިގެން ފުލުހުން ހޯދަމުން ދިޔަނަމަވެސް މިހާތަނަށް ކުރެވުނު މަސައްކަތުން އަދި އޭނާ ފެނިފައެއް ނުވެއެވެ. އެހެންކަމުން ޝިއުނީ ޙުސައިން ސިޔާނު އާއި ބެހޭ އެއްވެސް މައުލޫމާތެއް އެނގޭނަމަ، ފުލުހުންގެ ހޮޓް ލައިން ނަންބަރު 332211 ނުވަތަ ހުޅުމާލެ ޕޮލިސްގެ ނަންބަރު 9980062 އަށް ގުޅައި ހިއްސާ ކޮށްދެއްވުމަށް އާންމުންގެ ފަރާތުން ފުލުހުން އެދިފައި ވެއެވެ.
މިފަދަ ކަންކަމުގައި އާންމު ރައްޔިތުން ދޭ އެއްބާރު ލުމަށް ފުލުހުންގެ އިދާރާއިން ޝުކުރު ދަންނަވައެވެ.
