މޯލްޑިވްސް ލޭބަރ އެންޑް ސޯޝަލް ޑިމޮކްރަޓިކް ޕާޓީ (އެމްއެލްއެސްޑީޕީ) އުވާލަން އިލެެކްޝަންސް ކޮމިޝަނުން ނިންމައިފިއެވެ. އެކޮމިޝަނުން އެގޮތަށް ނިންމެވީ ގާނޫނީ އަދަދު ކަމަށްވާ 3،000 މެމްބަރުން އެޕާޓީގައި ހަމަނުވާތީއެވެ.
އިލެކްޝަންސްކޮމިޝަނުން މިއަދު ނެރުއްވާފައިވާ ބަޔާނެއްގައި ވިދާޅުވެފައިވަނީ މީގެ ކުރީން ވާނީ ގާނޫނީ އަދަދަށް މެމްބަރުން ހަމަނުވާ ޕާޓީތަކަށް މެމްބަރުން އިތުރު ކުރުމަށް މުއްދަތެއް ދެއްވާފައި ކަމަށެވެ. އެގޮތުން މެމްބަރުން ހަމަކުރުމަށް ތިން މަސް ދުވަހުގެ މުއްދަތެއް ދެއްވިއެވެ. މުއްދަތު ހަމަވިިއިރު ގާނޫނީ އަދަދަށް މެމްބަރުން ހަމަވެފައި ނުވާތީ އެ ޕާޓީގެ ލީޑަރޝިޕްގެ ބޭފުޅުންނާ މިއަދު ބައްދަލު ކޮށްފައިވާ ކަމަށް އިލެކްޝަންސް ކޮމިޝަނުން ވިދާޅުވެފައިވެއެވެ. އެ ބޭފުޅުންނާ ބައްދަލު ކުރައްވައި އެމްއެލްއެސްޑީޕީގެ ނަމުގައި ސިޔާސީ އެއްވެސް ހަރަކާތެއް ނުހިންގުމަށް އަންގާފައިވާ ކަމަށް އެ ކޮމިޝަނުން ވިދާޅުވެފައިވެެއެވެ.
އެ ޕާޓީ އުފައްދާފައިވަނީ 2018 ވަނަ އަހަރުގެ ފަހުކޮޅެވެ. މިއީ ގާނޫނީ ވަކީލް ޢަބްދުﷲ ޙަސީން އިސްވެ ހުންނަވައިގެން އޭރު އުފެއްދި ޕާޓީއެކެވެ. މިއީ ފަހަކަށް އައިސް ޕާޓީއެއްގައި މީހުން ހަމަނުވެގެން އުވާލަން ނިންމި ފުރަތަމަ ފަހަރެެވެ.
