އިންޑިއާއިން އަނެއްކާވެސް ސްރީލަންކާއަށް އެހީތެރިކަން ފޯރުކޮށްދިނުމުގެ ގޮތުން ޑީސަލާއި ޕެޓްރޯލްގެ ދެ ބޯޓު ފޮނުވަން އިންޑިއާއިން ނިންމައިފިއެވެ. މި ބޯޓުތަކުގެ ތެރޭން ފުރަތަމަ ބޯޓް ދަތުރު ކުރާނީ ޖުލައި މަހުގެ 13 ވަނަ ދުވަހުން ފެށިގެން 15 ވަނަ ދުވަހާ ދެމެދުގައެވެ. އަދި އަނެއް ބޯޓު ދަތުރު ކުރާނީ ޖުލައި 29 އިން 31 އާ ދެމެދު ގައެވެ.
އިންޑިއާއިން ސްރީލަންކާއަށް ތެޔޮ ސަޕްލައި ކުރަން މި ނިންމީ، ނިއުދިއްލީގައި ހުންނަވާ ސްރީލަންކާގެ ހައި ކޮމިޝަނަރު މިލިންދާ މޮރާގޮޑާއާއި، އިންޑިއާގެ ޕެޓްރޯލިއަމް އެންޑް ނެޗުރަލް ގޭސް މިނިސްޓަރ ހަރްދީޕް ސިންގް ޕޫރީއާ ދެމެދު ދާދިފަހުން ބޭއްވި މަޝްވަރާތަކަށް ފަހުގައެވެ.
ސްރީލަންކާގައި ބޭރު ފައިސާގެ ދަތިކަން ކުރިމަތިވެފައި އޮތުމުގެ ސަބަބުން އަދިވެސް ބޭރުން މުދާ ގަތުމަށް ފައިސާ ދެއްކުމުގައި ދަތިތަކާ ކުރިމަތިލާން ޖެހިފައި ވެއެވެ.
