ޗައިނާއިން އެމެރިކާއާ އެކު ކުރާ ވިޔަފާރީގެ ހަނގުރާމައަކީ އާ ކަމެއް ނޫނެވެ. މިއީ ކޮވިޑުގެ ކުރިންވެސް ދެ ގައުމާ ބެހޭ ގޮތުން މިވާހަކަ ދެކެވުނެވެ. އޭރު އެމެރިކާއިން ވަނީ ޗައިނާގެ މުދަލުން ޑިއުޓީ ނަގާފައެވެ. އަދި ބަދަލު ހިފުމުގެ ގޮތުން ޗައިނާއިން ވަނީ އެމެރިކާގެ މުދަލުން ވެސް ޑިއުޓީ ނަގާފައެވެ. ދެން ފެށުނީ ދެ ގައުމުގެ ދެމެދުގައި ވިޔަފާރީގެ ހަނގުރާމައެކެވެ.

އެހިސާބުން ކޮވިޑު އައީ ޗައިނާއިން ތޯއާއި އެއީ ކިހިނެއްވީ ކަމެއްތޯ އެމެރިކާއިން ސުއާލު ކުރަން ފެށިއެވެ.

ޗައިނާގެ ޓެކްނޮލޮޖީ އުފައްދާ ކުންފުންޏެއް ކަމަށްވާ ހުއާވޭއާ ދެކޮޅަށް އެމެރިކާއިން އަޅާފައިވާ ހުރަސްތަކާއި، 2021 ވަނަ އަހަރު ޝިންޖިއާންގެ ޓޮމާޓޯ އާއި ފިޔާ މަނާކުރުން ވެގެން ދިޔައީ އެ ހަނގުރާމައިގެ ބައެއް ބައެއް ކަމަށެވެ.

އެމެރިކާއާ ޗައިނާއާ ދެމެދު ފެށިފައިވާ ކޯޅުމުގެ އަސަރު ވިޔަފާރީގެ ގޮތުން ޗައިނާ އަށާއި ޝިންޖިއާން ޕްރޮވިންސަށް ބަރޯސާވާ ގައުމުތަކަށް ކުރާނެ އެވެ.

އުއިގޫރު މީޙުން ލައްވައި ގަދަކަމުން މަސައްކަތް ކުރުވާ މައްސަލާގައި އެމެރިކާއިން ވަނީ މިދިޔަ ޖޫން މަހުގެ 21 ވަނަ ދުވަހުން ފެށިގެން ޗައިނާގެ ހުޅަނގުގެ ޝިންޖިއާންގައި އުފައްދާ އުފެއްދުންތައް މަނާކުރުމަށް ވެސް ފިޔަވަޅު އަޅާފައެވެ. އެމެރިކާއިން ވަނީ ޝިންޖިއާން މުދާ އެތެރެ ނުކުރުމަށް ބާރުއަޅާ ގާނޫނެއްވެސް ފާސްކޮށްފައެވެ. ޗައިނާގެ ހުޅަނގުގެ ޝިންޖިއާން ސަރަހައްދުގައި އުފައްދާ ހުރިހާ އުފެއްދުންތަކެއް އެމެރިކާއިން ރަސްމީކޮށް މަނާކުރީ، "ގަދަކަމުން މަޖުބޫރުން" މީހުން ލައްވާ މަސައްކަތް ކުރުވާކަމާ ދެކޮޅަށް ގާނޫނު ވުޖޫދަށް އައި ފަހުންނެވެ.

އެމެރިކާއިން ބުނާ ގޮތުގައި އުއިޣުރު މުސްލިމުންނަށް އަނިޔާކޮށް، ކުޑަކުދިން ލައްވައި މަސައްކަތް ކުރުވުމާއި، މަސައްކަތްތެރިންގެ ގާނޫނާ ހިލާފުވަމުން ދަނީ ޝިންޖިއާން ޕްރޮވިންސްގަ އެވެ. މި ސަބަބާ ހުރެ އެ ގައުމުން ވަނީ ޝިންޖިއާންގެ އުފައްދާ ބާވަތްތައް މަނާކޮށްފަ އެވެ.

މި ގާނޫނުގައވާ ގޮތުން ޗައިނާގެ އެ ސަރަޙައްދުން މުދާ އިމްޕޯޓްކޮށް، އެމެރިކާއަށް އެކްސްޕޯޓްކުރާ ޤައުމުތަކާއި ޖަމާޢަތްތަކުންވެސް އެ މުދަލަކީ މަޖުބޫރުން މަސައްކަތްކޮށްގެން އުފައްދާ ބާވަތްތަކެއް ނޫންކަން ކަށަވަރުކޮށްދޭން ޖެހެއެވެ.

ޝިންޖިއާންގައި މުސްލިމުންނަށް އަނިޔާ ކުރާ ކަމަށް އެމެރިކާއިން ދަނީ ތަކުރާރުކޮށް ތުހުމަތު ކުރަމުންނެވެ. އެމެރިކާއިން ބުނާ ގޮތުގައި އެސަރަހައްދުގައި ހިންގަމުން ގެންދަނީ އިންސާނީ ހައްގުތަކަށް އަރައިގަތުމާއި ނަސްލު ނައްތާލުމުގެ ބޮޑެތި ޖަރީމާތަކެވެ.

އިތުރު ލިޔުންތައް