ސްރީލަންކާގެ ކުރީގެ ބޮޑުވަޒީރު މަހިންދަ ރާޖަޕަކްސައާއި، ކުރީގެ މާލީ ވަޒީރު ބަސިލް ރާޖަޕަކްސައާއި، ސްރީލަންކާގެ މަރުކަޒީ ބޭންކްގެ ކުރީގެ ގަވަރުނަރު އަޖިތު ނިވާރްދް ކެބްރާލްގެ އިތުރުން، އިތުރު އެތައް މަސްއޫލުވެރިން ގައުމުން ބޭރަށް ފުރުން މަނާކޮށް އަމުރެއް ނެރެދިނުމަށް އެދި، މިއަދު ލަންކާ ސުޕްރީމް ކޯޓަށް މއްސަލައެއް ވައްދައިފިއެވެ.
ޓްރާންސްޕޭރެންސީ އިންޓަނޭޝަނަލް ވެސް ހިމެނޭ ގޮތަށް މައްސަލަ ހުށަހެޅި ފަރާތްތަކުން ބުނާ ގޮތުގައި، ރައީސާއި ބޮޑުވަޒީރު ރަސްމީ މަސްއޫލިއްޔަތު އަދާ ކުރެއްވީ ކޮން ގޮތަކަށް ކަމެއް އާންމު ރައްޔިތުންނަކަށް ނޭނގެވެ.
އަދި ޖަވާބުދާރީވާ ފަރާތްތަކުން ގައުމުން ބޭރަށް ފުރައިގެން ގޮސްދާނެ ކަމުގެ މައުލޫމާތު މައްސަލަ ވެއްދި ފަރާތްތަކަށް ލިބިފައިވާ ކަމަށާއި އެހެންކަމުން އެ މައްސަލަ ހުށަހެޅި ފަރާތްތަކުން ހޯދަން ބޭނުންވާ މައުލޫމާތު ނުދީ، އެކަށީގެންވާ ތަހުގީގެއް ކުރުން ހުއްޓުވައި،/ނުވަތަ ޒިންމާ އުފުލަން ޖެހޭ މިންވަރު ކަނޑައެޅުން ފަދަ ކަންކަމުން އެފަރާތްތައް ދުރުހެލިވެދާނެ ކަމަށް ލަފާ ކުރެވޭ ކަމަވެސް ބަޔާންކޮށްފައިވެ އެވެ. އެހެންވެ އެފަރާތްތަކުން ގައުމުން ބޭރުވިޔަ ނުދީ ހުއްޓުވަން އެދުނީ ކަމަށް ބުނެފައި ވެއެވެ.
