ދަށް ފަންތީގެ އާމްދަނީ ލިބޭ ގައުމުތަކަށް ދީފައިވާ ދަރަނިތައް އަލުން ރީސްޓްރަކްޗާ ކުރުމަށް ޗައިނާއިން އެއްބާރުލުން ނުލިބުމަކީ ވަރަށް ނާއުންމީދު ކުރަނިވިކަމެއް ކަމަށް އެމެރިކާގެ ޓްރެޜަރީ ސެކްރެޓަރީ ޖެނެޓް ޔެލެން ވިދާޅުވެއެވެ. ވޮޝިންޓަންއިން ބެއިޖިންއާ އެތައް ފަހަރެއްގެ މަތިން މި މައްސަލައާ ބެހޭ ގޮތުން މަޝްވަރާ ކޮށްފައިވާ ކަމަށް އޭނާ ވިދާޅުވެއެވެ.
ނޫސްވެރިންނާ ވާހަކަ ދައްކަވަމުން ޔެލެން ވިދާޅުވީ، ތަރައްގީވަމުން އަންނަ ގައުމުތަކުން ލޯނު ނަގާފައިވާ ތަފާތު ގިނަ އިދާރާތަކެއް ޗައިނާގައި އެބަހުރި ކަމަށާއި، ފަގީރު ގައުމުތަކުގެ ދަރަނި ރީސްޓްރަކްޗާ ކުރުމުގައި ޗައިނާ ސަރުކާރުގެ އިސް މަސްއޫލުވެރިންގެ ބައިވެރިވުން ކަށަވަރު ކުރުމަށް، ޗައިނާއިން ހުރަސް އަޅަމުންދާ ކަމަށެވެ.
ފަގީރު ގައުމުތަކުގެ ދަރަނި އަލުން ރީސްޓްރަކްޗާ ކުރުމަށްޓަކައި އައިއެމްއެފްއާއި ޖީ20 އާއި ޖީ7 ގައި މަޝްވަރާ ކުރެވިފައި ވެއެވެ.
