ޝެންހާއީގައި ކޮވިޑް-19 ގެ ކޭސްތައް އިތުރުވާން ފެށިތާ ފަސް ހަފްތާއަށްވުރެ ގިނަ ދުވަސް ފަހުން، އަނެއްކާވެސް ޝަންހާއީގައި ނުތަނަވަސްކަން އިތުރުވާން ފަށައިފިއެވެ. އެ ސިޓީ އަނެއްކާވެސް ލޮކްޑައުންއަށް ދާން އުޅޭ ކަމުގެ ބިރު މީޙުންގެ ތެރޭގައި ފެތުރިފައި ވެއެވެ.
މި ހަފްތާގެ ކުރީކޮޅުން ފެށިގެން 59 މީހަކަށް އަލަށް ބަލި ޖެހިފައިވާ ކަމަށް ރިޕޯޓް ކޮށްފައި ވެއެވެ. މިއީ ޖެހިޖެހިގެން ކޭސް ނަމްބަރުތައް 50 އިން މަތީގައި ހިފެހެއްޓި ހަތަރުވަނަ ފަހަރެވެ.
މީގެ ހަފްތާއެއްހާ ދުވަސް ކުރިން އޯމައިކްރޮން ވޭރިއަންޓްގެ އިތުރު ވޭރިއެންޓެއް ފެނިފައިވާއިރު، މި ހަފްތާގެ އަންގާރަ ދުވަހުން ފެށިގެން ބުރާސްފަތި ދުވަހުގެ ނިޔަލަށް ޗައިނާގެ މާލީ މަރުކަޒު ޝެންހާއީގެ 16 ޑިސްޓްރިކްޓްގެ ތެރެއިން 9 ޑިސްޓްރިކްޓެއްގެ އިތުރުން، ކޭސްތައް ފެނިފައިވާ އެހެން ސަރަހައްދުތަކުގައި އިތުރު ދެ ބުރަށް ޓެސްޓު ކުރަން ފަށާފައިވެއެވެ.
