ކާނާގެ ދަތިކަން ދިމާވެފައިވާ ގައުމުތަކަށް އިންޑިއާއިން ގިނަ އަދަދަކަށް ގޮދަން ބޭރުކޮށްފިއެވެ. އިންޑިއާ ސަރުކާރުގެ އިސް އޮފިޝަލަކު ވިދާޅުވީ އިންޑިއާއިން 1.8 މިލިއަން ޓަނުގެ ގޮދަން އެކްސްޕޯޓްކޮށްފައިވާ ކަމަށެވެ. އިންޑިއާއަށް ގޮދަން ބޭރުކުރުމަށް ކުއްލިއަކަށް ބާރު ބޮޑުވުމުގެ ސަބަބުން މި މަހުގެ 13 ވަނަ ދުވަހު ކާޑުގެ ބާވަތްތައް ގައުމުން ބޭރަށް ވިއްކުން މަނާކުރިއެވެ.
ޔޫކްރެއިން ހަނގުރާމައިގެ ސަބަބުން ދުނިޔެއަށް ކުރިމަތިވެފައިވާ ކާބޯތަކެތީގެ ތަދުމަޑުކަމުގެ ސަބަބުން، ބާޒާރުގައި ކާނާގެ އަގުތައް އިންތިހާއަށް އުފުލި، ދުނިޔޭގެ ގައުމުތަކަށް ކާބޯތަކެތީގެ ދަތިކަން އިންތިހާއަށް ކުރިމަތިވެފައިވެއެވެ.
އިންޑިއާގެ ގޮދަނުގެ ޝިޕްމަންޓްތަކަށް ދުނިޔޭގެ 100އަށް ވުރެ ގިނަ ގައުމަކުން އެދިފައެވެ.
އިންޑިއާ ސަރުކާރުން ބުނާ ގޮތުގައި ގޮދަނުގެ ޝިޕްމަންޓްތައް ފޮނުވާފައި ވަނީ ބަންގްލަދޭޝް، އޮމާން، ޔޫއޭއީ އަދި އަފްޣާނިސްތާނަށެވެ.
