އިގުތިސޯދީ ހަމަނުޖެހުމާއި، ސްރީލަންކާއަށް ކުރިމަތިވި އިންސާނީ ކާރިސާއާ ގުޅިގެން، ރައީސް ގޯޓާބަޔަ ރާޖަޕަކްސަ ގެ ރަސްމީ ގެކޮޅަށް ވަދެގަނެ، ހިނގައި ދިޔަ ހަމަނުޖެހުމަށް ބަލާކަމާ ހެއްޔެވެ؟ ސްރީލަންކާގެ ހަމަނުޖެހުމުން ރާޖަޕަކްސަގެ އެއްބަނޑު އެއްބަފާ ކޮއްކޯފުޅު ވަނީ ގައުމު ދޫކުރައްވައި ވަޑައިގެންފައެވެ.
އިގުތިސޯދީ ހީނަރުކަމުގެ ސަބަބުން، ކައްކާ ގޭހާއި، ތެލާއި ހަކުރު، މިލްކް ޕައުޑަރު އަދި ބޭސް ފަދަ ޒަރޫރީ ބޭނުންތަކަށް ރައްޔިތުން އިންތިޒާރު ކުރާތާ ދުވަސްތަކެއް ވަނީ ވެފައެވެ. ސްރީލަންކާގެ 2.3 މިލިއަން ކުޑަކުދިން ހިމެނޭ ގޮތަށް ސްރީލަންކާގެ 5.7 މިލިއަން ރައްޔިތުންނަށް ވަނީ ވަގުތުން ވަގުތަށް އިންސާނީ އެހީ އަށް ބޭނުންވެފައި ކަމަށް ޔުނިސެފުން ބުނެއެވެ.
ސްރީލަންކާގެ މިހާރުގެ ސިޔާސީ ނުތަނަވަސްކަމުގެ ނަތީޖާއަކަށްވީ، ދޯދިޔާ ވެރިކަމާއި ނުރަނގަޅު ސިޔާސަތުތަކެއް ގެންގުޅުމުގެ ސަބަބުން އިގުތިސާދީ ހީނަރުކަމެއް ކުރިމަތި ވުމެވެ. ސްރީލަންކާގެ އިގުތިސޯދު ހަމަ މަގަށް އެޅުވުމަށް، މާލީ އަދި އިގުތިސޯދީ ސިޔާސަތަށް އަވަސް އިސްލާހީ ބަދަލުތަކެއް ގެންނަން ޖެހެއެވެ. އެކަން ކުރެވޭނީ އިޚުތިޔާރާއި ބާރު ލިބިފައިވާ ހަމަޖެހޭ ސަރުކާރަކަށެވެ.
ސްރީލަންކާގެ އެވްރެޖް ރައްޔިތުން ގަބޫލުކުރާ ގޮތުގައި، އެގައުމުގެ މިހާރުގެ ސިޔާސީ މައިދާނަކަށް އިތުބާރެއް ނެތެވެ. އަދި އިތުބާރު ކުރެވޭ ލީޑަރެއް ނެތުމުގެ ސަބަބުން، ހަމަޖެހޭ ސަރުކާރެއް ގެނައުމަކީ، ދުރު ރާސްތާގެ ރައްޔިތުންގެ އެދުމެކެވެ.
ސްރީލަންކާގެ ކާރިސާގެ އިސް މޭސްތިރިގެ ގޮތުގައި ގިނަ ބަޔަކު ދެކޭ ޗައިނާއިން ސްރީލަންކާގެ އިގުތިސޯދީ ކާރިސާ އަށް ހިއްސާވެދީފައި ވެއެވެ. އެހެންނަމަވެސް އެހީ ދިނުމުގައި ޗައިނާ ފެނިފައެއް ނުވެއެވެ.
ސްރީލަންކާގެ ޚާރިޖީ ވަޒީރުގެ ކުރީގެ މުޝީރު ހަރީމް ޕީރިސް، ވިސދާޅުވާ ގޮތުން އަވަށްޓެރި އިންޑިއާއިން ކުރި މަސައްކަތުން ދޭހަކޮށްދެނީ، ސްރީލަންކާގެ އެންމެ އަނދިރި ވަގުތުގައި، ސްރީލަންކާއިން ލަފާކުރި މިންވަރަށްވުރެ ވެސް އިތުރަށް އިންޑިއާއިން މަސައްކަތް ކށްދީފައިވާ ކަމަށެވެ.
ސްރީލަންކާގެ މިހާރުގެ ސިޔާސީ އަދި އިގުތިސޯދީ ކާރިސާގައި ޗައިނާއިން އަދާކުރާ ދައުރަށް އިޝާރާތް ކުރައްވައި، މުހައްލިލުން ބުނަމުން ދަނީ ދެކުނު އޭޝިއާގެ ގައުމަކީ ޗައިނާގެ ދަރަނީގެ ދަންތުރަ ޑިޕްލޮމެސީގެ ރަނގަޅު އިޝްތިހާރެއް ކަމަށެވެ.
ހަރީމް ޕީރިސް ފާހަގަކުރެއްވި ފަދައިން، "ޤައުމެއް ބަނގުރޫޓުކޮށް، އެ ޤައުމު ދިގު މުއްދަތަކަށް ދިގުދެމިގެންދިޔަ 30 އަހަރު ދުވަހުގެ ދާޚިލީ ހަނގުރާމައެއްގެ ތެރޭގައިވެސް ނުހިނގާ ވަފަދަ ކަންތައްތަކެއް ވަނީ ހިނގާފައި" ކަން ސްރީލަންކާއިން ފެނެއެވެ.
ސްރީލަންކާގެ މުހައްލިލު ޑިވޮޓާ ލިޔުއްވާފައިވާ ގޮތުގައި، ހަނގުރާމައަށްފަހު، (2005 އިން 2015 އަށް ރައީސްކަމުގައި ހުންނެވި ގޯޓާބަޔަގެ ބޭބެ އަދި ގޯޓާބަޔަގެ ދައުރުގައި ބޮޑުވަޒީރުކަން ކުރެއްވި) މަހިންދަ ރާޖަޕަކްސަ ޗައިނާގެ އެހީގައި ފައިދާއެއް ނުވި ޕްރޮޖެކްޓްތައް ހިންގަވަން އިޚްތިޔާރު ކުރެއްވިއެވެ. އަދި އެކަން ކުރުމުގައި، ލަންކާއިން ދަރަނި ފަސް ކުރުމަށް ސްޓްރެޓެޖީއެއް ހަދައިގެން، ޓުއަރިޒަމް މެދުވެރިކޮށް ހޯދާފައި ހުރި ބޭރު ފައިސާ ބޭނުންކޮށްގެން، ލޯނުތަކުގެ އިންޓްރެސްޓް ދެއްކިއެވެ. އަދި އިތުރު ފައިސާ ބޭނުން ވުމުން، އިތުރު ދަރަނިތައް ނެގިއެވެ.
މި ކަންކަމުގެ ސަބަބުން ސްރީލަންކާ ދިޔައީ ދަރަނީގެ ކަަސްތޮޅައެއްގައި ބަނދެވެމުންނެވެ. ސްރީލަންކާއިން މިހާރު ދަނީ އިންޓަނޭޝަނަލް މަނިޓަރީ ފަންޑާއި ވޯލްޑް ބޭންކުގެ އެހީ ހޯދުމަށް ނުހަނު ބޮޑަށް މަސައްކަތް ކުރަމުންނެވެ. ނަމަވެސް މާލީ އެހީއާއި ދަރަނި ރީސްޓްރަކްޗާ ކުރުމަށް އެއްބަސްވުމުގެ ކުރިން ޗައިނާގެ ދަރަނިތަކާ މެދު ދެފުށް ފެންނަ ގޮތަށް ކަންކަން ކުރުމަށް މި އިދާރާތަކާއި އެހެނިހެން ދަރަނިދޭ ފަރާތްތަކުން ސްރީލަންކާއަށް ބާރު އަޅައެވެ.
ހަމަޔަގީނުންވެސް ސްރީލަންކާއަކީ ޗައިނާގެ ބެލްޓް އެންޑް ރޯޑް އިނީޝިއޭޓިވްއާ ގުޅިފައިވާ ދަރަނީގެ ދަންތުރައިގައި ޖެހިފައިވާ ގައުމެކެވެ.
ސްރީލަންކާއަށް އެހީތެރިވުމަށް އިންޑިޔާއިން މިހާތަނަށް 4 ބިލިއަން އެމެރިކާ ޑޮލަރު ދީފައި ވެއެވެ. އަދި ޗައިނާއިންވެސް ވަނީ ކަރަންސީ ސްވޮޕް ގެ ސަބަބުން ސްރީލަންކާގެ ދަރަނިތައް ރީސްޓްރަކްޗަރ ކުރުމަށް ދެކޮޅު ހަދާފައެވެ.
