ސްރީލަންކާއަށް އިންޑިއާއިން ކަނޑައަޅައިފައިވާ ހައި ކޮމިޝަނަރު ގޯޕާލް ބާގްލޭ ސްރީލަންކާގެ ޕާލަމެންޓްގެ ރައީސް މަހިންދަ ޔަޕާ އަބޭވަރުދަނާއަށް އިޙުތިރާމުގެ ޒިޔާރަތެއް ކުރައްވައިފިއެވެ.
ސްރީލަންކާއިންދަނީ އާ ރައީސް ހޮވުމަށް ސްރީލަންކާގެ ގާނޫނު ހަދާ މަޖިލީހުގެ ބައްދަލުވުން ބޭއްވުމަށް ތައްޔާރު ކުރަމުންނެވެ. މި ބައްދަލު ކުރެއްވުމުގައި ބަގްލޭ ވިދާޅުވީ ސްރީލަންކާގައި ޑިމޮކްރަސީއާއި، ހަމަޖެހުމާއި، އިގުތިސޯދީ ރިކަވަރީއަށް އިންޑިއާއިން އަބަދުވެސް އެއްބާރުލުން ދެމުން ގެންދާނެ ކަމަށެވެ. އަދި ބަގްލޭ ވަނީ ޑިމޮކްރަސީއާއި ދުސްތޫރީ އޮނިގަނޑު ދެމެހެއްޓުމުގައި، ޕާލަމެންޓުން އަދާކުރާ ދައުރަށް ތައުރީފް ކުރައްވާފައެވެ. އަދި، ސްރީލަންކާގައި ޑިމޮކްރަސީ އާއި ހަމަޖެހުމާއި އިޤްތިޞާދު ނެގެހެއްޓުމަށް އިންޑިއާއިން އަބަދުވެސް އެއްބާރުލުން ދެމުން ގެންދާނެ ކަމުގެ ޔަގީންކަންވެސް އޭނާ ދެއްވިއެވެ.
ސްރީލަންކާގެ މައި އިދިކޮޅު ލީޑަރު ސަޖިތު ޕްރޭމަދާސަ ވަނީ ރިޔާސީ އިންތިޚާބުގައި ވާދަކުރައްވާނެކަން އިޢްލާން ކުރައްވާފައެވެ. އަދި ކުރީގެ ރައީސް ސިރިސޭނާގެ ސްރީލަންކާ ޕްރީޑޮމް ޕާޓީން ވަނީ އެއްވެސް ކެންޑިޑޭޓަކަށް ތާއީދު ނުކުރާން ނިންމާފައެވެ.
ކުރީގެ ރައީސް ގޮތާބޭ ރާޖަޕަކްސަގެ ޕާޓީން ވަނީ ވަގުތީ ރައީސް ރަނިލް ވިކްރަމަސިންހައަށް ތާއީދު ކުރާނެކަމަށް ބުނެފައެވެ.
