ރާއްޖެއަށް ބަސްތައް ވިއްކާ ޗައިނާގެ ޔުޓޮންގ ކުންފުނިން ސިންދުގައި ބަސް އުފެއްދުމަށް ފެކްޓްރީއެއް ހަދަން ނިންމައިފިއެވެ. ޔޫޓޮންގއަކީ ބަސް އުފެއްދުމުގައި ސްޕެޝަލައިޒްވެފައިވާ ޗައިނާގެ ޒަމާނީ މެނުފެކްޗަރިން ކުންފުންޏެކެވެ. އަލަށް ބިނާ ކުރާ ޕްލާންޓް ހުންނާނީ ކަރާޗީ ނުވަތަ ހައިދަރުއާބާދުގައެވެ. ޕާކިސްތާން ސަރުކާރުން 15 ނޫނީ 18 އޭކަރުގެ ބިމެއް ދޭ ގޮތަށް އެއްބަސްވެފައި ވެއެވެ.
ކަރާޗީގައި ހުންނަ ޗައިނާ ކޮންސިއުލޭޓުން ވަނީ މިއީ އުފާވެރި ޚަބަރެއް ކަމަށް ބުނެ ޓުއީޓުވެސް ކޮށްފައެވެ. މި ކަމާ ގުޅޭ މަޝްވަރާތައް ބާއްވާފައި ވަނީ ސިންދުގެ ޓްރާންސްޕޯޓް މިނިސްޓަރާއި ޕާކިސްތާންގައި ހުންނަ ޔުޓޮންގެ ކަންތްރީ މެނޭޖަރގެ ބައްދަލުވުމެއްގައެވެ.
