ތާލިބާނުންނާ ދެކޮޅަށް ފޭސްބުކްއިން ގެންގުޅޭ ސިޔާސަތު އަދިވެސް އޮތީ ވަރަށް ސާބިތުކޮށް ކަމަށް އެފްބީން ބުނެއެވެ. އެފްބީން ވަނީ ސޯޝަލް މީޑިއާ ޕްލެޓްފޯމް މެދުވެރިކޮށް ތާލިބާނުން ޕްރޮޕެގެންޑާ ކުރުމަށް ބޭނުން ކުރާ އަފްޣާނިސްތާނުގެ ގައުމީ ޓީވީ އާއި ބަޚްތަރު ނޫސް އޭޖެންސީގެ ޕޭޖުތައް ސަސްޕެންޑް ކޮށްފައެވެ. އަފްޣާނިސްތާނުގެ ޤައުމީ ޓެލެވިޜަން އާއި ބަޚްތާރު ނޫސް އޭޖެންސީގެ ޕޭޖްތައް މިހާރު ބޭނުން ނުކުރެވޭކަމަށް ޚާމާ ޕްރެސްއިން ރިޕޯޓްކޮށްފައިވެއެވެ.
އަފްޣާނިސްތާނުގެ ޤައުމީ ޓެލެވިޜަންގެ މީޑިއާ ސެންޓަރުގެ ކޮންޓްރޯލް ޠާލިބާނުންގެ ދަށަށް ދިޔަ ފަހުން އެ ދެ އޭޖެންސީން ވަނީ މީޑިއާގެ ހަރަކާތްތައް ފުޅާ ދާއިރާއެއްގައި ހިންގާފައެވެ. އެކަމުޖގެ ސަބަބުން އެފްބީން ވަނީ ދެ އެޖެންސީއާ ދެކޮޅަށް ފިޔަވަޅު އަޅާފައެވެ. އަފްޣާނިސްތާނުގެ ގައުމީ ޓީވީގެ ވެރިޔާ އަހްމަދްالله ވާސިގު ވިދާޅުވީ، ފޭސްބުކްއިން ވަނީ މި މީޑިއާ އޯގަނައިޒޭޝަންގެ ޕުޝްތޯ އަދި ދާރީ ޕޭޖްތައް ސަސްޕެންޑް ކޮށްފައެވެ.
ފޭސްބުކް އަކީ ދުނިޔޭގެ އެކި ކަންކޮޅުތަކުގައި އެންމެ ގިނަ ބަޔަކު ބޭނުންކުރާ ސޯޝަލް ނެޓްވޯކިން ސައިޓްތަކުގެ ތެރޭގައި ހިމެނޭ ސައިޓަކަށް ވާއިރު، 2021 ވަނަ އަހަރުގެ އޮގަސްޓް މަހުގެ މެދުތެރޭގައި ތާލިބާނުން އަފްޣާނިސްތާންގެ ވެރިކަން އަތުލިފަހުން އެ ޖަމާއަތަކީ ޓެރަރިސްޓް ޖަމާއަތެއް ކަމަށް އެންމެ ފުރަތަމަ ނަން ދިނީ ފޭސްބުކްއިން ކަމަށް ޚާމާ ޕްރެސްއިން ރިޕޯޓް ކުރެއެވެ.ސޯޝަލް މީޑިއާ ޕްލެޓްފޯމުން ތާލިބާނުންނާ މެދު ދެކެނީ "ޓެރަރިސްޓް ޖަމާއަތެއް" ގެ ގޮތުގައި ކަމަށާއި އެ ޖަމާއަތުން އުފައްދާ ނުވަތަ އެ ޖަމާއަތަށް ވާގިވެރިވާ އެއްވެސް ކޮންޓެންޓެއް އެފްބީގެ ސޯޝަލް މީޑިއާ ޕްލެޓްފޯމްގައި ޝާއިއުކުރުން މަނާކޮށްފައިވާ ކަމަށް ޚާމާއިން ބުނެފައިވެ އެވެ.
ފާހަގަކޮށްލެވޭ ގޮތުގައި ހަނގުރާމައިގެ ސަބަބުން ސުންނާފަތިވެފައިވާ އަފްޣާނިސްތާނުގައި ތާލިބާނުންގެ ބާރުގެ ދަށުގައިވާ ސަރުކާރުގެ އިދާރާތަކުގެ ޕޭޖްތައް މީގެ ކުރިން ފޭސްބުކް އިން ވަނީ ބަންދުކޮށްފަ އެވެ.ފޭސްބުކްގެ ތަރުޖަމާނަކު ބުނި ގޮތުގައި ސޯޝަލް މީޑިއާ ޕްލެޓްފޯމްގެ ހުރިހާ ޕްލެޓްފޯމެއްގައި ތާލިބާނުންނާ ދެކޮޅަށް ގެންގުޅޭ ސިޔާސަތު ތަންފީޒު ކުރުމުގައި ދެމިތިބި ކަމަށެވެ. އޭގެ ތެރޭގައި ފޭސްބުކާއި އިންސްޓަގްރާމް އަދި ވަޓްސްއެޕް ހިމެނެއެވެ.
ޓްވިޓާގައި ވެސް ތާލިބާނުންގެ އޮފިޝަލުންނާއި ތަރުޖަމާނުން ހަރަކާތްތެރިއެވެ.އަފްޣާނިސްތާނުގެ މީޑިއާ ކޮމިއުނިޓީން ބުނާ ގޮތުން އަދިވެސް އެމީހުންނަށް ދަނީ ތާލިބާންގެ ބޮޑެތި ގޮންޖެހުންތަކާ ކުރިމަތިލާން ޖެހެމުންނެވެ.އިޤްތިޞާދު ހީނަރުވުމާއި ތާލިބާނުންގެ ބިރުދެއްކުމާއި، ރިޕޯޓިންގއާ ދެކޮޅަށް އަޅާފައިވާ ދަތިކުރުމުގެ ފިޔަވަޅުތަކުގެ ސަބަބުން އެތައް މީޑިއާ އެޖެންސީއެއް ބަންދުކޮށް އެތައް ބައެއްގެ ވަޒީފާ ގެއްލެން މަޖުބޫރުވެފައިވެއެވެ.
