އިޒްރޭލުގެ ނޫސްވެރިއަކު މައްކާއަށް ވަނުމަށް ފަހިކޮށް ދިން ކަމުގެ ތުހުމަތުގައި ސައޫދީ ރައްޔިތަކު ހައްޔަރުކޮށްފިއެވެ. އިޒްރޭލުގެ ޗެނަލް 13 ގެ ނޫސްވެރިޔާ ގިލް ޓަމަރީ މީސް މީޑިއާގައި ހިއްސާކޯށްފައިވާ ވީޑިއޯތަކާ ހެދި ސައޫދީ މީސްމީޑިއާގެ މީހުން ވަނީ ފާޑުކިޔާފައެވެ.
ޣެއިރު މުސްލިމުންނަށް މީހުން މައްކާއަށް ވަނުން މަނާކޮށްފައި އޮތްކަން އެނގި ހުރެގެންވެސް އޭނާ ވަނީ ވީޑިއޯ ނަގާފައެވެ. އަދި އެކަން އޭނާ ކުރީ އެނގިހުރެގެން ކަމަށްވެސް ބުންޏެވެ.
މައްކާގެ ސަރަހައްދީ ފުލުހުން ވަނީ ރައްޔިތަކު ހައްޔަރުކޮށްފައެވެ. އަދި އެމެރިކާގެ ރަށްވެހިކަން އޮންނަ ނޫސްވެރިޔާވެސް ވަނީ ތަހުގީގަށް ހުށަހަޅާފައެވެ.
ސައޫދީން ބުނެފައިވަނީ އޭނާގެ މައްސަލަ ޕްރޮސެކިއުޓަރުންނަށް ފޮނުވާފައިވާނެ ކަމަށާއި "ކަނޑައެޅިފައިވާ ގާނޫނުތަކާ އެއްގޮތަށް އޭނާއާ ދެކޮޅަށް އަޅަން ޖެހޭ އިޖުރާއަތްތައް އަޅާނެ" ކަމަށެވެ.
ގާތްގަނޑަކަށް 10 މިނެޓުގެ މި ކްލިޕްގައި، އިޒްރޭލު ނޫސްވެރިޔާ ވަނީ ޢަރަފާތު ފަރުބަދައަށާއި ޙައްޖުގެ އެހެން ޝައާއިރުތައް ފުރިހަމަ ކުރުމަށް ދާ ތަންތަނަށް ގޮސް ވީޑިއޯ ކޮށްފައެވެ.
އެމެރިކާގެ ރައިސްވެސް ވަނީ މިދިޔަ ހަފްތާގައި ސައޫދީ ވަލީއަހުދާ ބައްދަލުކުރައްވާފައެވެ. އަދި ބައިޑެން ވަނީ އަންޑިޕްލޮމެޓިކް ބަހުރުވަ ބޭނުން ކުރައްވައިގން ސައޫދީ ވައަހުދާ ޒުވާބު ކުރައްވާފައެވެ.
އަރަބިންނަކީ މެހުމާނުންނަށް މެހުމާންދާރީ އަދާކުރުމާއި ކަމޭ ހިތުމުގައި މަޝްހޫރު ބައެކެވެ.
