މެދުއިރުމައްޗާއި އުތުރު އެފްރިކާގެ ގައުމުތަކާ މެދު ޗައިނާއިން ޚާއްސަ ސިޔާސަތެއް ގެން ގުޅެއެވެ. ހިނގަމުން މިދާ 2022 ވަނަ އަހަރުގެ ތެރޭގައި ޗައިނާގެ ގިނަ ހައި ޕްރޮފައިލް ދަތުރުފުޅުތަކެއް ބާއްވާފައި ވެއެވެ. އަދި ގިނަ ޤައުމުތަކާއެކު އެއްބަސްވުންތަކުގައި ސޮއި ކޮށްފައި ވެއެވެ.
މި މަސައްކަތްތަކުން ހާމަވެގެންދަނީ މި ސަރަހައްދަކީ ޗައިނާގެ އުއްމީދުތަކަށް ދެން އޮތް ފޯކަސް ސަރަހައްދުކަމަށެވެ.
މިއަހަރުގެ ޖެނުއަރީ މަހު ބަހްރެއިން، ކުވައިތު، އޮމާން އަދި ސައުދީ އަރަބިއްޔާގެ ޚާރިޖީ ވަޒީރުން ބެއިޖިންއަށް ކުރެއްވި ދަތުރުފުޅާއެކު މި އަހަރަކީ ޗައިނާ އަރަބި ޑިޕްލޮމެޓިކް ހަރަކާތްތައް ވަރަށް ގިނައިން ފެނިގެންދިޔަ އަހަރެކެވެ. އޭގެ ފަހުން މާލީ މައްސަލަތަކެއް ކުރިމަތިވެފައިވާ ތުރުކީގެ ޚާރިޖީ ވަޒީރު ޗައިނާއަށް ކުރެއްވި ދަތުރުފުޅެއްގައި، އުއިގޫރު ހަނގުރާމަވެރިން ތުރުކީގައި ސެލްތައް ގާއިމްކުރުން ހުއްޓުވުމަށް ވައުދުވެވަޑައި ގެންނެވިއެވެ.
ފާހަގަކޮށްލެވޭ ގޮތުގައި އަލްޖީރިއާ، މިސްރު، އީރާން، ސައުދީ އަރަބިއްޔާ އަދި ޔޫއޭއީ ފަދަ ގައުމުތަކުން ސްޓްރެޓީޖިކް ކޯޕަރޭޝަން އެގްރީމަންޓްތަކުގައި ސޮއިކުރުމާއެކު ޗައިނާއިން ވަނީ ސަރަހައްދުގެ މުހިންމު ގިނަ ގައުމުތަކާއެކު ގުޅުން ބަދަހިކޮށްފައެވެ.
މެދުއިރުމަތީގެ ޤައުމުތަކާއެކު ގުޅުން ބަދަހިކުރުމަށް ޗައިނާއިން ގެންގުޅޭ ވިސްނުމުގެ މައްޗަށް އަލިއަޅުވާލާ ފައިވަނީ 2022 ވަނަ އަހަރުގެ މާރިޗު މަހު އިސްލާމްއާބާދުގައި ބޭއްވި އޯގަނައިޒޭޝަން އޮފް އިސްލާމިކް ކޯޕަރޭޝަންގެ ޚާރިޖީ ވަޒީރުންގެ 48 ވަނަ ސެޝަންގައި ޚާރިޖީ ވަޒީރު ވާންގް ޔީއެވެ.
މީގެ ކުރިން އޯއައިސީގައި ފެނިފައިނުވާ ފަދަ ގޮތަކަށް ޚާރިޖީ ވަޒީރު ވަންގް ޔީ މި ބައްދަލުވުމުގައި ބައިވެރިވެ ވަޑައިގެންނެވުމުންނެވެ.
އޭނާ ބައިވެރިވެ ވަޑައި ގެންނެވީ ހޮސްޓް ކަންޓްރީ ޕާކިސްތާނުގެ "ހާއްސަ މެހެމާނެއްގެ" ގޮތުގައެވެ.
ވަންގް ދެއްކެވި ވާހަކަފުޅުގައި އޯއައިސީގެ މެމްބަރުންނަށް ޗައިނާއިން ދޭ އަހަންމިއްޔަތު ގެ މައްޗަށް އަލިއަޅުވާލެއްވިއެވެ. މީގެ ތެރެއިން ގިނަ ގައުމުތަކަކީ ބެލްޓް އެންޑް ރޯޑް އިނީޝިއޭޓިވްގެ ބައިވެރިންނެވެ. ނުވަތަ ބައިވެރިވުމުގެ ވިސްނުން ގެންގުޅޭ ގައުމުތަކެވެ.
ޔޫރަޕާއި އެފްރިކާގެ ބާޒާރުތަކުގައި ޗައިނާއިން އެޤައުމުގެ މުދާ އެއްތަނުން އަނެއްތަނަށް އުފުލުމަށާއި ވިއްކުމަށް ހިންގާ މަލްޓި ޓްރިލިއަން ޑޮލަރުގެ މަޝްރޫޢު، ބީއާރުއައިގެ ތެރެއަށް 20 އަށްވުރެ ގިނަ ޢަރަބި ޤައުމު ވަނީ ބައިވެރިވެފައެވެ.
ފަހުގެ އަހަރުތަކުގައި މެދުއިރުމަތީގެ ޤައުމުތަކުގައި ފޮރިން އިންވެސްޓްމަންޓްގެ މައި ނާރެހެއްގެ ގޮތުގައި ޗައިނާ ވަނީ ނުކުމެފައެވެ. މިއަހަރުގެ ފަހުކޮޅު ޝީ ޖިންޕިން ސައުދީ އަރަބިއްޔާއަށް ދަތުރުފުޅެއް ކުރައްވަން ހަމަޖެހިފައި ވެއެވެ.
ޗައިނާއާއި ސައޫދީ ތެޔޮ އުފައްދާ އަރާމްކޯއާ ދެމެދު އެއްބަސްވުމެއްގައި ސޮއިކޮށްފައި ވެއެވެ. އަދި ދިފާއީ ދާއިރާގައި ޗައިނާގެ ފާމްތަކުން ވަނީ 2022 ވަނަ އަހަރުގެ މާޗް މަހު ރިޔާޒުގައި ބޭއްވި 'ވޯލްޑް ޑިފެންސް ޝޯ' ގައި ޗައިނާގެ ހަތިޔާރު ދައްކާލާފައެވެ. ހަމަ އެ މަހު ސައުދީ އެޑްވާންސްޑް ކޮމިއުނިކޭޝަންސް އެންޑް އިލެކްޓްރޯނިކްސް ސިސްޓަމްސް ކޮމްޕެނީން ވަނީ ޗައިނާ އިލެކްޓްރޯނިކްސް ޓެކްނޮލޮޖީ ގްރޫޕް ކޯޕަރޭޝަނާއެކު ސައޫދީއަރަބިއްޔާގައި އަސްކަރީ ޑްރޯން އުފެއްދުމުގެ އެއްބަސްވުމެއްގައި ސޮއިކޮށްފަ އެވެ. މީގެ އިތުރުން ޑްރޯން ޓެކްނޮލޮޖީ ތަރައްގީ ކުރުމުގައި ޗައިނާގެ ކުންފުންޏެއް ކަމަށްވާ އެވިކް އިންޓަނޭޝަނަލް އިން ރިޔާޒާ ގުޅިގެން މަސައްކަތް ކުރާނެ ކަމަށް ބެލެވެއެވެ.
ޔޫއޭއީއާއެކު ވިޔަފާރިއާއި އިންވެސްޓްމަންޓްގެ ގުޅުން ބަދަހިކުރުމަށްވެސް ޗައިނާއިން އަމާޒު ހިފާފައިވެއެވެ. ފާއިތުވެދިޔަ އަހަރުތަކުގައި އެމިރޭޓްސް އިން ބީއާރުއައި އަށް ބޭނުންވާ ޕޯޓް އިންފްރާސްޓްރަކްޗާ ބިނާކޮށް އަޕްގްރޭޑް ކުރަމުން އަންނަ އިރު، އަބޫދާބީ ޕޯޓްސް އާއި ދުބާއީ ޑީޕީ ވޯލްޑް އިން ޗައިނާގެ ބޮޑެތި ކުންފުނިތަކާ ގުޅިގެން މަސައްކަތް ކުރަމުން ދެއެވެ.
ދުބާއީ ޗެމްބާ އޮފް ކޮމާސް އާއި ޗައިނާ ކައުންސިލް ފޯ ޕްރޮމޯޝަން އޮފް އިންޓަނޭޝަނަލް ޓްރޭޑް (ސީސީޕީއައިޓީ) ގުޅިގެން 2022 ވަނަ އަހަރުގެ ޖެނުއަރީ މަހު ދުބާއީގައި ޝެންޒެންގައި ހިންގާ ކުންފުނިތަކުގެ ހައި-ޓެކް ޕްރޮޑަކްޓްތައް ދައްކާލުމުގެ ހަރަކާތެއް ކުރިއަށް ގެންދިޔަ އެވެ. ޔޫއޭއީގެ އިއްތިހާދު އެއާވޭސް އިން ވެސް ވަނީ އެއާ ކާގޯގެ ހިދުމަތަށް "އެއާ ސިލްކް ރޯޑް" އެއް އުފެއްދުމަށް 2021 ވަނަ އަހަރު އެއްބަސްވެފަ އެވެ.
