ޕާކިސްތާން މުސްލިމް ލީގް-ނަވާޒް (ޕީއެމްއެލް-އެން) ގެ ލީޑަރު ހަމްޒާ ޝަހްބާޒް ޕަންޖާބު ޕްރޮވިންސްގެ ޗީފް މިނިސްޓަރުކަމަށް އިންތިޚާބުވެވަޑައިގެންނެވުމުން ޕާކިސްތާނުގެ ކުރީގެ ބޮޑުވަޒީރު އިމްރާން ޚާންގެ ސަޕޯޓަރުން ވަނީ ޕެޝާވަރު ކޯޕްސްކޮމާންޑަރުގެ މައި މަރުކަޒުގެ ބޭރުގައި މުޒާހަރާކޮށްފައެވެ.ޕަންޖާބުގެ ޗީފްމިނިސްޓަރގެ އިންތިހާބުގެ ނަތީޖާއާ ދެކޮޅަށް މުޒާހަރާ ކޮށްފައި ވަނީ ޕަންޖާބު އެސެމްބްލީގެ ޑެޕިއުޓީ ސްޕީކަރ ދޯސްތު މުހަންމަދު މަޒާރީ ވަނީ ޕަންޖާބު ގެ ޗީފްމިނިސްޓަރގެ އިންތިޚާބުގެ ވޯޓުގައި ޕީއެމްއެލް-ކިއު ޕާޓީގެ ވޯޓު ތައް ބަލައިނުގަތުމަށް ނިންމުމުންނެވެ.
ޕާކިސްތާން ތަހްރީކޭ އިންސާފް (ޕީޓީއައި) ގެ ސަޕޯޓަރުން ދަނީ ކަރާޗީ، ލާހޯރު އަދި އިސްލާމްއާބާދު ހިމެނޭ ގޮތަށް ބޮޑެތި ހުރިހާ ސިޓީތަކެއްގައި އިހުތިޖާޖު ކުރަމުންނެވެ.ހޮނިހިރު ދުވަހު ހަމްޒާ ޝެހްބާޒް ވަނީ ޕަންޖާބުގެ ޗީފް މިނިސްޓަރުކަމުގެ ހުވާ ކުރައްވާފައެވެ. ޑޯން ނޫހުން ރިޕޯޓްކުރާ ގޮތުގައި އޭނާއަށް ހުވާލައިދެއްވީ ޕަންޖާބުގެ ގަވަރުނަރު ހައުސްގައި ބޭއްވި ރަސްމިއްޔާތެއްގައި ޕަންޖާބުގެ ގަވަރުނަރު ބަލީޢުއްރަހްމާންއެވެ.ހަމްޒާ ޝެހްބާޒް އެ ގޮނޑި ކަށަވަރު ކުރެއްވީ، ޕީއެމްއެލް-ކިއުގެ ލީޑަރު ޗައުދަރީ ޝުޖާތު ހުސައިން، އޭނާގެ ޕާޓީގެ މެމްބަރުންނަށް ޕަރްވޭޒް އިލާހީގެ ބަދަލުގައި ޝަރީފަށް ވޯޓު ދިނުމަށް އަންގަވާފައިވާ ކަމަށް ވިދާޅުވެ، ޑެޕިއުޓީ ސްޕީކަރަށް ސިޓީއެއް ފޮނުއްވުމާ ގުޅިގެންނެވެ.މަޖިލީހުގެ ނައިބު ރައީސްގެ ނިންމުމާ ދެކޮޅަށް ޕީޓީއައި އިން ސުޕްރީމް ކޯޓަށް މައްސަލަ ވައްދާފައި ވެއެވެ. އަދި ބުނެފައި ވަނީ އެމީހުންނަށް ކާމިޔާބު ލިބޭނެ ކަމަށް އުއްމީދު ކުރާ ކަމަށެވެ. ޕީޓީއައިގެ ޗެއާމަން އަދި ކުރީގެ ބޮޑުވަޒީރު އިމްރާން ޚާން ވަނީ އިންތިޚާބުގެ ނަތީޖާއާ ދެކޮޅަށް މުޒާހަރާކުރުމަށް ގޮވާލައްވާފައެވެ.
ޕާކިސްތާންގައި އޮންނަ ގޮތުން ޕާޓީން އަންގާ ގޮތާ ޚިލާފަށް ވޯޓު ދީފިނަމަ އެ ވޯޓެއް ބާޠިލު ވާނެއެވެ.
