ލިތުއޭނިއާއިން ޓައިވާންގައި އެގައުމުގެ ވިޔަފާރީގެ އޮފީހެއް ހުޅުވުމަށް ދަނީ ވިސްނަމުންނެވެ. ލިތުއޭނިއާއިން ޓައިވާން ބަލައި ގަތުމުގެ ސަބަބުން ބެއިޖިންއާއި ވިލްނިއަސްއާ ދެމެދު ނުތަނަވަސްކަމެއް ވަނީ އުފެދިފައެވެ.
ލިތުއޭނިއާގެ އިސް މަސްއޫލުވެރިންނާ ޙަވާލާދީ މީޑިއާގައި ރިޕޯޓްކޮށްފައި ވަނީ ވިލިނިއަސްއިން ޓައިޕޭގައި ސެޕްޓެމްބަރު މަހުގެ 12 ވަނަ ދުވަހު ޓްރޭޑް ރެޕްރެޒެންޓޭޓިވް އޮފީހެއް ހުޅުވުމަށް ރާވަމުންދާ ކަމަށެވެ. މި ޓްރޭޑް އޮފީސް ހުންނާނީ ޝިންޔީ ޑިސްޓްރިކްޓްގެ ޓައިޕޭ 101 ކައިރީގައި ހުންނަ ވޯލްޑް ޓްރޭޑް ސެންޓަރުގައި ކަމަށްވެސް ބުނެފައި ވެއެވެ.ޓައިޕީ ޓައިމްސް ނޫހުން ރިޕޯޓްކުރާ ގޮތުގައި ޓައިޕެއިގެ ގާނޫނުހދާ މަޖިލީހުގެ ސްޕީކަރ ޔޫ ސި-ކުން ވަނީ ލިތުއޭނިއާގެ ގާނޫނުހަދާ މަޖިލީހުގެ ސްޕީކަރ ވިކްޓޯރިއާ ސީމިލައިޓް-ނީލްސަން އަށް ސެޕްޓެމްބަރު ނުވަތަ އޮކްޓޯބަރު މަހު ޓައިވާނަށް ވަޑައިގަތުމަށް ދައުވަތު ދެއްވާފައެވެ.ޗައިނާއިން ވަނީ ލިތުއޭނިއާއާ ދެކޮޅަށް އިހުތިޖާޖު ކޮށްފައެވެ. ޗައިނާ ބުނާ ގޮތުގައި މި އަމަލަކީ އެ ގައުމުގެ "އެއް ޗައިނާ" އުސޫލާ ހިލާފު އަމަލެކެވެ.
ޗައިނާއިން ވަނީ ވަކިވެގަތުމަށް މަސައްކަތް ކުރާ ފަރާތްތަކަށް ނުބައި ސިގްނަލެއް ނުފޮނުވުމަށާއި، އެއް ޗައިނާ އުސޫލުގެ ސިޔާސީ ވައުދަކަށް އިޙުތިރާމް ކުރުމަށް ލިތުއޭނިއާގެ ވެރިނަނަށް ގޮވާލާފައި ކަމަށް ޓައިޕެއި ޓައިމްސްގައި ރިޕޯޓް ކޮށްފައި ވެއެވެ.
