އެމެރިކާގެ ގާނޫނު ހަދާ މަޖިލީހުގެ ރައީސާ ނެންސީ ޕެލޯސީ ޓައިޥާނަށް ކުރައްވަން އުޅުއްވާ ދަތުރުފުޅުގައި އެމެރިކާގެ ރައީސް އޭނާ މާޔޫސް ކޮށްލެއްވި ކަމަށް ބުނެ ވަޝިންޓަން ޕޯސްޓުން ބައިޑެންއަށް ފާޑު ކިޔައިފިއެވެ.
ޕޯސްޓުން ބުނަނީ ފާޅުގައި ޕެލޯސީ މާޔޫސް ކޮށްލެއްވުމަށް ބައިޑެން ވާހަކަ ދެއްކެވުމަކީ ގަބޫލު ކުރެވޭނެ ކަމެއް ނޫން ކަމަށެވެ.
ވައިޓްހައުސްގައި ނޫސްވެރިން ކުރި ސުއާލަށް ޖަވާބު ދެއްވަމުން ބައިޑެން ވިދާޅުވެފައި ވަނީ ސިފައިން ދެކޭ ގޮތުގައި މި ދަތުރު ކުރެއްވުމަކީ މި ވަގުތަށް ރަގަޅު ކަމެއް ނޫން ކަމަށެވެ.
ޗައިނާއިން ވަނީ އެ ދަތުރު ކެންސަލް ކުރުމަށް ގޮވާލައި، "ޗައިނާގެ ސިފައިން ދުވަހަކުވެސް ހިމޭނުން ނުތިބޭނެ" ކަމަށް ބުނެފައެވެ.
މި މައްސަލައާ ގުޅިގެން މިހާރު އެމެރިކާއަށް ވަނީ މި ކަމުގައި ހަދާނެ ގޮތް ހުސްވެފައެވެ. މިސިޒް ޕެލޯސީގެ ކުރިން ޑިމޮކްރެޓިކް ޓައިވާނަށް މީގެ 25 އަހަރު ކުރިން ރިޕަބްލިކަން ނިއުޓް ގިންރިޗް ވަޑައިގަތެވެ.
އޭގެ ފަހުން އެއްވެސް ސްޕީކަރަކު އެކަން ކޮށްފައި ނުވިޔަސް، ޓައިވާނާއާއެކު އެއްބައިވަންތަކަން ދެއްކުމުގެ ގޮތުން ޓައިވާނަށް ޒިޔާރަތްކުރުން މުހިންމު ކަމަށް ޕެލޯސީ ވިދާޅުވިއެވެ.
މި ދަތުރާ ގުޅިގެން އެމެރިކާއަށް ޗައިނާއިން ވަނީ ސީދާކޮށާއި ނު ސީދާކޮށް އިންޒާރުތައް ދީފައެވެ. އަދި ޓައިވާން ކަނޑު އޮޅިއާއި ޓައވާންގެ ވައިގެ ސަރަހައްދާ ބެހޭ ގޮތުންވެސް ގިނަ މައްސަލަތަކެއް ކުރިމަތި ވެފައި ވެއެވެ.
އެމެރިކާއިން ބުނާ ގޮތުގައި ޓައިވާނަށް ގަނާ ކުރުމަކީ އެއީ ދުވަހަކުވެސް ހުއްދަ ކުރެވޭނެ ބަލައި ގަނެވޭނެ ކަމެއް ނޫނެވެ. ނަމަވެސް ޗައިނާއިން ދަނީ ޓައިވާން ސްޓްރެއިޓްގައި އަސްކަރީ ގޮތުން އިތުރު ހަރުކަށި ކަމެއް ދައްކަމުންނެވެ.
