ޕާކިސްތާނުގެ ތަހްރީކޭ އިންސާފް އިން އިސްލާމްއާބާދުގައި އާންމު އެއްވުމެއް ބާއްވަން ނިންމީ، އެގައުމުގައި އާންމު އިންތިޚާބު ބޭއްވުމަށް އެ ޕާޓީން ފެޑެރަލް ސަރުކާރަށް އެއްމަސް ދުވަހުގެ މުހުލަތެއް ދިންތާ އެއްދުވަސް ހަމަވާ ފަހުން، އޯގަސްޓް މަހުގެ 14 ވަނަ ދުވަހު ކަމަށް އެ ގައުމުގެ މީޑިއާއިން ރިޕޯޓް ކޮށްފައި ވެއެވެ.އާރީ ނިއުސްއިން ބުނީ އިމްރާން ޚާން އިސްކޮށް ހުންނަވައިގެން މިއަދު ބޭއްވި ބައްދަލުވުމެއްގައި އެޕާޓީން ނިންމާފައިވާ ނިންމުންތައް އެނގޭ މަސްދަރުތަކުން މައުލޫމާތު ދީފައިވާ ގޮތުގައި މިނިވަން ދުވަހުގެ އެއްވުންތައް ބޭއްވުމުގެ އިންތިޒާމްތައް ހަމަޖެއްސުމަށް ޕާޓީގެ ހުރިހާ ގުނަވަންތަކަށް މިހާރު ވާނީ އަންގާފައެވެ. "މިނިވަން ދުވަސް ފާހަގަ ކުރުމުގެ ގޮތުން އޮގަސްޓް 14 ވަނަ ދުވަހު އިސްލާމްއާބާދުގައި ބާރު ދެއްކުމުގެ ބޮޑު ޝޯއެއް ބާއްވާނެ،" ޕީޓީއައިއިން ބުންޏެވެ.އިމްރާން ޚާޏްގެ ތަހުރީކް ޕާޓީން މަސައްކަތް ކުރަނީ، އެޤައުމުގައި އަވަސް އިންތިޚާބެއް ބޭއްވުމަށް ސަރުކާރަށް ފިއްތާށެވެ.
އިމްރާން ޚާން ވަނީ ޕާކިސްތާނުގައި މިހާރު ކުރިމަތިވެފައިވާ އިގުތިސޯދީ، ސިޔާސީ ކާރިސާތައް ނިމުމަކަށް ގެނެވޭނީ އަވަސް އިންތިޚާބެއް ބޭއްވުމުން ކަމަށް ތަކުރާރުކޮށް ވިދާޅުވެފައެވެ.މަގާމުން ދުރުކޮށްފައިވާ ކުރީގެ ބޮޑުވަޒީރު ވަނީ ޕާކިސްތާނަށް މިހާރު އޮތް ހާލަތުން އަރައިގަތުމަށް އޮތީ އެންމެ މަގެއް ކަމަށާއި އެއީ އެގައުމުގައި އާ އާންމު އިންތިޚާބެއް ބޭއްވުން ކަމަށް ތަކުރާރު ކޮށް ވިދާޅުވެފަ އެވެ.
