ކާބުލްގައި އަލްގައިދާގެ ލީޑަރު އައިމަން ޒަވާހިރީ މަރާލި އެމެރިކާގެ ޑްރޯން ހަމަލާ ދިނުމަށް ޕާކިސްތާނުގެ ވައިގެ ސަރަހައްދު ބޭނުންކޮށްފައިވޭތޯ ވިދާޅުވެ ޕާކިސްތާނުގެ ތަހްރީކޭ އިންސާފް ޕާޓީގެ ލީޑަރު ފަވާދު ޗައުދަރީ މިއަދު ސުވާލު އުފައްދަވައިފިއެވެ.އަދި އޭނާ ގޮވާލެއްވީ ޕާކިސްތާން ސަރުކާރުން ރަސްމީ ބަޔާނެއް މިކަމުގައި ސީ އާންމުނަށް ސާފުކޮށްދިނުމަށެވެ. ޗައުދަރީ މިފަދަ މޭރުމަކުން ވާހަކަފުޅު ދައްކަވާފައި މިވަނީ، އަލްގައިދާ ލީޑަރުގެ މަރާ ގުޅިގެން ޕާކިސްތާނުގެ ފަސްގަނޑު ބޭނުން ކުރުމަށް އެގައުމުގެ އަސްކަރިއްޔާއިން އިންކާރު ކޮށްފައި ވަނިކޮށެވެ.
ޖިއޯ ނިއުސްއިން ރިޕޯޓްކޮށްފައިވާ ގޮތުގައި ޕާކިސްތާނުގެ ފަސްގަނޑު "މިފަދަ ބޭނުމަކަށް" ބޭނުންކުރަމުންދާ ކަމުގެ އެއްވެސް ހެއްކެއް ފެންނާން ނެތެވެ.
ނަމަވެސް ޗައުދަރީ ވިދާޅުވަނީ، "ސުވާލަކީ ޕާކިސްތާނުގެ ވައިގެ ސަރަހައްދު ބޭނުން ކުރަން ހުއްދަ ދިނީތޯ،"؟ މިއަދު ޗޯދުރީ މިއަދު ކުރެއްވި ޓްވީޓެއްގައި ވިދާޅުވި އެވެ.
"ޕާކިސްތާނުގެ ސަރަހައްދު ބޭނުން ނުކުރާ ކަމަށް ބުނެ ތަކުރާރުކޮށް ދައްކާ ވާހަކަތައް އަދި ސާފު ނުވޭ،" ޗޯދުރީ ވިދާޅުވި އެވެ.އިއްޔެ ޗޯދުރީ ވިދާޅުވީ ޕާކިސްތާނުގެ ރައްޔިތުން ބޭނުންވަނީ އަލްގައިދާއާ ދެކޮޅަށް އަނެއްކާވެސް އެމެރިކާގެ ހަތިޔާރަކަށް އެމީހުން ވާނެތޯ ނުވަތަ ނުވާނެތޯ ސާފުކޯށް އެނގޭށެވެ.
އަލް-ޒަވާހިރީ އަކީ 2001 ވަނަ އަހަރުގެ ސެޕްޓެމްބަރު މަހުގެ 11 ވަނަ ދުވަހު އެމެރިކާއަށް ދިން ހަމަލާތަކުގެ މޭސްތިރިއެވެ.
