ކޮވިޑް-19ގެ ކޭސްތައް އިތުރުވަމުންދާތީ، ޗައިނާގެ މެދުތެރޭ ޒީޖިއާންގް ޕްރޮވިންސްގެ އޮފިޝަލުން ވަނީ ޔިވޫ ސިޓީގައި ކޮވިޑް-19 ގެ ހަރުކަށި ފިޔަވަޅުތަކެއް އަޅަމުންނެވެ. ޔީވޫ ސިޓީއަކީ ދުނިޔޭގެ ސުޕަރމާކެޓްގެ ނަމުން މަޝްހޫރު ސިޓީއެވެ. ކެނެޑާގެ ނިއުސް ޕޯޓަލް ކްރައިސިސް 24 ގައިވާ ގޮތުން ކަމާބެހޭ ފަރާތްތަކުން އިލްތިމާސް ކޮށްފައި ވަނީ ކޮންމެހެން ނުކުންނަން ޖެހިއްޖެ ހާލަތެއްގައި މެނުވީ ޔިވޫ ދޫކޮށް އެއްވެސް ރައްޔިތަކު ނުދިއުމަށާއި އަދި އެހެން ސަރަހައްދުތަކުގެ މީހުންވެސް އެ ސިޓީއަށް ނުވަނުމަށް ބާރު އަޅާ ކަމަށް ބުފއެވެ.
ޔިވޫން ފުރަން ބޭނުންވާ މީހަކު ނަމަ 24 ގަޑިއިރުގެ ތެރޭގައި ނަގާ ގްރީން ހެލްތު ކޯޑަކާއި ނެގެޓިވް ނިއުކްލިކް އެސިޑް ޓެސްޓް ރިޒަލްޓެއް ހުށަހަޅަން ޖެހޭނެ އެވެ.އޭގެ އިތުރުން ގިނަ ރައްޔިތުންނަށް މާސް ޓެސްޓް ހެދުމުގެ މަސައްކަތް ދަނީ ކުރަމުންނެވެ.
ޔީވޫގައި ބަހުގެ ހިދުމަތް ވަނީ އޮގަސްޓް މަހުގެ 8 ވަނަ ދުވަހުގެ ނިޔަލަށް މެދުކަނޑާލާފައެވެ. އަދި އިންޑޯ މުނިފޫހިފިލުވުމާއި ފިޓްނަސް ކުޅޭ ތަންތަން ވެސް ބަންދުކޮށްފައިވާ ކަމަށް އަންގާފައި ވެއެވެ.
ސިޓީގައި މަދުވެގެން 16 ހައި އަދި މީޑިއަމް ރިސްކް ސަރަހައްދުތަކެއްގައި ބޭރަށް ނިކުމެ އުޅުން މަނާ ކޮށްފައި ވެއެވެ.
