އިސްރާއީލާއި ފަލަސްތީނުގެ ހަނގުރާމަވެރިންނާ ދެމެދު މިދިޔަ ހުކުރު ދުވަހުން ފެށިގެން ހިނގަމުންދާ ހަމަނުޖެހުންތައް ނިމުމަކަށް ގެނައުމަށް މަޝްވަރާތައް ފަށައިފިއެވެ. ހުކުރު ދުވަހުން ފެށިގެން މިހާތަނަށް ފަލަސްތީނުގެ 36 މީހުން ޝަހީދުކޮށްލާފައި ވެއެވެ.
އިސްލާމިކް ޖިހާދުގެ ހަނގުރާމަވެރިންނާއި އިސްރާއީލުން މިސްރުން ސުލްހައިގެ މަޝްވަރާތަކަށް އެއްބަސްވެފައިވާ ކަމަށް ރިޕޯޓްތައް ބުނެއެވެ.
މި ހަމަލާތައް ބަދަލު ކުރެވެނީ އިސްލާމިކް ޖިހާދާއި އިޒްރޭލާ ދެމެދުގައެވެ. އިޒްރޭލުން ޙަމާސްގެ ތަންތަނަށް ބޮން އަޅާފައެއް ނުވެއެވެ. ނޫން ނަމަ އިތުރަށް މަސްރަހު ހޫނު ވީހެވެ.
ޣައްޒާއިން ފޮނުވާލި ރޮކެޓްތައް ހިފާފައިވާ ގުދުސްއަށްވެސް އަމާޒުކޮށްފައި ވެއެވެ. ޔަހޫދީ މީޑިއާއިން ބުނާ ގޮތުގައި މިއީ ދިފާއީ ހަމަލަތަކެކެވެ. އަދި ހަމަލަތައް އަމާޒުކޮށްފައި ވަނީ ނުރައްކަލެއް އޮތުމުން ކަމަށެވެ.
އެންމެ ފަހުން 2021 ވަނަ އަހަރުގެ މެއި މަހު އިސްރާއީލާއި ޣައްޒާއާ ދެމެދު ހިނގި 11 ދުވަހުގެ ހަމަނުޖެހުންތަކުގައި ފަލަސްތީނުގެ 200 އަށްވުރެ ގިނަ މީހުން ޝަހީދު ކޮށްފައި ވެއެވެ. އަދި އިޒްރޭލުގެ އެއް ޑަޒަން މީހުން މަރުވިއެވެ.
މިހާތަނަށް މި ހަމަނުޖެހުންތައް ލިމިޓްވެފައި ވަނީ، ޙަމާސްއިން އިސްލާމިކް ޖިހާދާއި ބައިވެރިވުމަށް ދެކޮޅު ހެދުމުންނެވެ.
