ޔޫރަޕަކީ، 2025ވަނަ އަހަރު އަންނަންވާއިރަށް އަލަށް ވިއްކާ ކާރުގެ %16 ޙިއްޞާކުރާނެ މާކެޓެކެވެ. އެހެންމަވެސް ޔޫރަޕްގެ ގޮން ޖެހުމަކީ ބެޓެރިން ދުއްވާ ކާރު ޗާޖު ކުރުމަށް ކަރަންޓް ދިނުމުގެ އިންފްރާސްޓްރަކްޗަރ ގައި ދުނިޔޭގެ އެހެން ޤައުމުތަކަށްވުރެ ވެސް ފަހަތުގައި ޔޫރަޕްއޮތުމެވެ.
މިހާރުގެ ޓްރެންޑްތައް ދައްކާ ގޮތުން 2030 ވަނަ އަހަރު އަންނަންވާއިރަށް އަހަރަކަށް ވިއްކާ ކާރުގެ ދެބައިކުޅަ އެއްބައި ވެގެން ދާނީ ކަރަންޓުން ޗާޖު ކުރާ ކެޓަގަރީގެ އުޅަނދު ތަކަށެވެ.
މުޅި ޔޫރަޕްގެ ޖަމާއަތުގެ އަމާޒަކީ، 2050 ވަނަ އަހަރު އަންނަންވާއިރަށް ޔޫރަޕްގައި ބޭނުން ކުރާ ހުރިހައި ކާރެއްވެސް ކަރަންޓުން ޗާޖު ކުރާ ކާރަށް ހަދާށެވެ.
އަދި އެ ޕްލޭންގެ ދަށުން 2035 ވަނަ އަހަރު އަންނަންވާއިރަށް ޔޫރަޕުން ވިއްކާ އާ ކާރުތަކުން ޖައްވަށް ބޭނުން ކުރާ ސީއޯ2ގެ މިންވަރު %100 އަށް ދަށްކުރަންވެސް ބޭނުން ވެއެވެ. ޔޫރަޕްގައި އިލެކްޓްރިކް އުޅަނދު ގަންނަ ފަރާތްތަކަށ ހިތްވަރު ވެސް ދެއެވެ. ޖަރުމަނުވިލާތުގައި މިސާލަކަށް، އިލެކްޓްރިކް އުޅަނދު ގަންނަ ފަރާތްތަކަށް ސަރުކާރުން 6000 ޔޫރޯއާ ހަމައަށް ސަބްސިޑީއެއް ލިބެއެވެ. ކަރަންޓުން ދުއްވާ ކާރުގެ ގިންތީގައި އެންމެ ކުރީގައި އުޅެނީ ޓެސްލާއެވެ. އެ ބްރޭންޑުން ވަނީ 2021 ވަނަ އަހަރު ދުނިޔޭގެ އެކި ކަންކޮޅުތަކުގައި ގާތްގަނޑަކަށް 936،000 އީވީ ވިއްކާފައެވެ.
ޓެސްލާއާ އަޅާބަލާއިރު، ތެޔޮ އަލައިގެން ދުއްވާ އުޅަނދުތަކުގެ އަގުތައް އުޅެނީ 1.6 ޕަސެންޓް އިތުރު ކޮށެވެ.
ޕެރިސް މުއާހަދާގެ ލަނޑުދަނޑިތައް ޙާޞިލްކުރުމަށް 2030 ވަނަ އަހަރު އަންނަންވާއިރަށް ޔޫރަޕްގައި ވިއްކާ ކާރުތަކުގެ %80 އަކީ ކަރަންޓުން ދުއްވާ ކާރުތައް ކަމުގައި ހަދަން ޖެހެއެވެ.
