މައްކާގެ މަސްޖިދުލްޙަރާމަށް ހުރިހާ އުމުރެއްގެ ކުދިން ވަނުމުގެ ހުއްދަ ދީފައިވާ ކަމަށް ހައްޖު އެންޑް އުމްރާ މިނިސްޓްރީން މިއަދު އިއުލާންކޮށްފި އެވެ. އެ މިނިސްޓްރީން މިކަން އިއުލާން ކޮށްފައި ވަނީ އެ މިނިސްޓްރީގެ ޓްވިޓާ ޕްލެޓްފޯމްގެ ރަސްމީ އެކައުންޓުން ނެވެ.
ޓުއިޓާގައި ބުނެފައި ވަނީ ބެލެނިވެރިންނަށް މިހާރު މަސްޖިދުލްޙަރާމަށް ކުދިން ގެންދެވޭނެ ކަމަށެވެ. ކުޑަ ކުދިންނަށް ހުއްދަ ދިނުމާ ބެހޭ ގޮތުން ބުނެފައި ވަނީ 5 އަހަރުން މަތީގެ ކުދިންނަށް އުމްރާ އެޕްލިކޭޝަން މެދުވެރިކޮށް ހުއްދަ ނަނަގަން ޖެހޭނެ ކަމަށެވެ. އުމުރުން 5 އަހަރުގެ ކުދިންނަށް ހުއްދަ ނަގާކަށް ނުޖެހެއެވެ.
އޭގެ އިތުރުން ސައޫދީއަށް ކޮންމެ ބާވަތެއްގެ ވިސާގައި އެތެރެވިއަސް ސައޫދީގައި ތިބޭ ދުވަސްވަރު އުމުރާ ކުރެވޭ ގޮތަށްވެސް މިހާރު ވަނީ ހަމަޖައްސާފައެވެ.
