ފްލޮރިޑާގައި ހުންނަ އެމެރިކާގެ ކުރީގެ ރައީސް ޑޮނަލްޑް ޓްރަމްޕްގެ މާ-އަ-ލަގޯ އެސްޓޭޓުން ވަރަށް ސިއްރު ލިޔުންތައް ފެނިފައިވާ ކަމަށް އެފްބީއައިއިން ބުނެފިއެވެ. ޓްރަމްޕްގެ ގެ ބަލައި ފާސް ކުރުމުގެ ތެރޭގައި އެފްބީއައިގެ އެޖެންޓުން 11 ސެޓްގެ ކްލަސިފައިޑް ރެކޯޑް ހޯދާފައި ވެއެވެ.
މި ކަމާ ގުޅޭ ތަފްސީލެއް ދީފައެއް ނުވެއެވެ. ނަމަވެސް ޖާސޫސް ކުރުމާ ދެކޮޅަށް ފާސްކޮށްފައިވާ ގާނޫނުގެ ބާރުގައި ހޯދާފައިވާ މި ޑޮކިއުމެންތްތަކަކީ ނިއުކްލިއަރއާ ބެހޭ ޑޮކިއުމެންޓްތަކެއް ކަމަށްވެސް މީޑިއާގައި ރިޕޯޓް ކޮށްފައި ވެއެވެ.
ޓްރަމްޕަށް ތުހުމަތު ކުރެވެނީ ސިއްރު މައުލޫމާތު އެއްކުރުމާއި ނައްތާލުމާއި ފޮރުވުމާއި ބެހޭ ތުހުމަތުތަކެވެ.
އެފްބީއައި އެޖެންޓުން ހޯދާފައިވާ ޑޮކިއުމެންޓްގެ ތެރޭގައި ތްރަމްޕްގެ ރަހުމަތްތެރިއެއްކަމަށްވާ ރޮޖާ ސްޓޯން އަށް މައާފު ދިނުމާ ބެހޭ ލިޔެކިޔުންތަކެއްވެސް ހޯދައި ގަނެވުނެވެ. އަދި ފްރާންސްގެ ރައިސާ ބެހޭގޮތުން އެއްކޮށްފައިވާ ސިއްރު މައުލޫމާތު ހިމެނޭ ފައިލެއްވެސް ހޯދައިގެންފައި ވެއެވެ.
