އަފްޣާނިސްތާނުގެ ތާލިބާންގެ ސަރުކާރުން ހަޔާ އެޑިއުކޭޝަން މިނިސްޓްރީން ބުނީ އަފްޣާނިސްތާނުގެ ޔުނިވާސިޓީތަކުގެ މަންހަޖުގައި ދީނީ މާއްދާތައް އިތުރަށް ކިޔަވައި ދިނުން މަޖުބޫރު ކޮށްފައިވާ ކަމަށެވެ.
ތާލިބާނީގެ ހަޔާ އެޑިއުކޭޝަން މިނިސްޓަރު އަބްދުލްބާޤީ ހައްޤާނީ އަންގާރަ ދުވަހު ވިދާޅުވީ މިހާރު އޮތް މަންހަޖަށް އިސްލާމީ ތާރީޚާއި އިސްލާމީ ވެރިކަން ހިމެނޭ ގޮތަށް އާ ދީނީ ފަސް މާއްދާއެއް އިތުރުކޮށްފައިވާ ކަމަށެވެ.
ތާލިބާންގެ އަމުރު ބިލް މައުރޫފް މިނިސްޓަރުގެ ނާއިބް މުހައްމަދު ޚާލިދު ހަނަފީ ވިދާޅުވީ ތާލިބާނުން އިސްލާމީ ޝަރީއާ ތަންފީޒު ކުރާނެ ކަމަށެވެ. އަދި ﷲއާއި ރަސޫލާއާއި ޚަލީފާ ބޭކަލުންގެ މަންހަޖަށް ތަބާވާނެ ކަމަށެވެ. އަދި ސަރުކާރުގެ މުވައްޒަފުންވެސް އިސްލާމީ ޝަރިއަތަށް ބޯލަނބާ ލުމަށް އޭނާ ގޮވާލެއްވިއެވެ.
ތާލިބާނުން ވަނީ އަންހެނުން ހިޖާބު އަލައި ނިވާ ކުރުމަށް މަޖުބޫކޮށް އެމީހުން ގެއިން ނިކުތުން މަނާ ކޮށްފައެވެ. އަދި މަހުރަމަކާއެކު ނޫނީ ދަތުރު ނުކުރުމަށްވެސް އަންގާފައެވެ. މަތީ ގްރޭޑްތަކުގެ އަންހެން ކުދިންގެ ކިޔެވުން ވަނީ މަނާކޮށްފައެވެ.
