ޗައިނާއާ އެކު އުފެދިފައިވާ ދެބަސްވުންތައް ބޮޑުވެފައިވާ ދަނޑިވަޅެއްގައި، ޓައިވާނުގެ ފޮރިން މިނިސްޓްރީން ވަނީ ޖަޕާނުގެ ސިޔާސީ ބޭފުޅުން ޓައިވާނަށް ކުރައްވާ ދަތުރަށް މަރުހަބާ ކިޔާފަ އެވެ.
ޖަޕާން ޓައިވާން ގާނޫނުހަދާ މަޖިލީހުގެ މެމްބަރުންގެ ކޮންސަލްޓޭޓިވް ކައުންސިލްގެ ޗެއާމަން ފުރޫޔާ ކޭޖީ އާއި ކައުންސިލްގެ ސެކްރެޓަރީ ޖެނެރަލް ކިހާރާ މިނޯރޫ ޓައިވާނަށް ކުރައްވާ ދަތުރުފުޅަށް ތައިވާނުން ވަނީ ހޫނު މަރުހަބާއެއް ކިޔާފައެވެ.
ލިބަރަލް ޑިމޮކްރެޓިކް ޕާޓީގެ ދެ ސިޔާސީ ބޭފުޅުން ޓައިވާނަށް ވަޑައިގަންނަވާނީ އޮގަސްޓް 22-24 އަށެވެ. އެބޭފުޅުން ޓައިވާނުގައި ތިއްބަވާއިރު، އެމެރިކާއާ އެކު ދިފާއީ ނިޒާމުތައް ރަނގަޅުކުރުމާ ބެހޭ ގޮތުން މަޝްވަރާކޮށް، ޗައިނާއިން ކުރިއަށް ގެންދާ ލައިވް ފަޔަރ އަސްކަރީ ތަމްރީނާ ބެހޭ ގޮތުން ޚިޔާލު ބަދަލު ކުރައްވާނެ އެވެ.
އަދި ސަރަހައްދީ ސްޓްރެޓެޖިކް ކަންކަމާ ބެހޭ ގޮތުން ޖަޕާނާއި އެމެރިކާ އަދި ޓައިވާނުގެ ގާނޫނު ހަދާ މަޖިލީހުގެ މެމްބަރުން ގުޅިގެން ބާއްވާ ބައްދަލުވުމެއްގައި ބައިވެރިވުމަށް ރާވާފައިވާ ކަމަށް ކިޔޯޑޯ ނިއުސް އިން ބުނެ އެވެ.
ފުރޫޔާ އާއި ކިހާރާ ބައްދަލުކުރައްވާނީ ނައިބު ރައީސް ލައި ޗިންގް-ޓޭ އާއި ޕްރިމިއާ ސޫ ސެންގް-ޗަންގް އާއި ގާނޫނު ހަދާ މަޖިލީހުގެ ރައީސް ޔޫ ހްސީ-ކުން އާއި ފޮރިން މިނިސްޓަރު ޖޯސެފް ވޫ އަދި ޓައިވާން-ޖަޕާން ރިލޭޝަންސް އެސޯސިއޭޝަންގެ ރައީސް ސޫ ޖިއާ-ޗިއާންއާ އެވެ.
އަދި ވޫޒީ ފަރުބަދަމަތީގައި އޮންނަ ސިފައިންގެ ސަހަރާއަށް ޒިޔާރަތް ކުރެއްވުމަށްފަހު ކުރީގެ ރައީސް ލީ ޓެންގް ހޫއީއަށް އިހުތިރާމް އަދާކުރައްވާނެ ކަމަށްވެސް ޓައިވާން ނިއުސް އިން ބުނެއެވެ.
