ކުރިއަށް އޮތް ބައި އިލެކްޝަންއާއި 2023 ވަނަ އަހަރުގެ އާންމު އިންތިހާބަށް ތައްޔާރުވުމުގެ ގޮތުން ޕާކިސްތާންގެ ވޯޓުލާ މީހުންގެ ރަޖިސްޓްރީ ސައްހަ ކުރުމަށް މަސައްކަތް ފަށައިފިއެވެ. ޕާކިސްތާން އިލެކްޝަން ކޮމިޝަނުން ބުނިގޮތުގައި ދޮރުން ދޮރަށް ހިނގައި މީހުން ކަށަވަރު ކުރިއިރު ހަތަރު މިލިއަން މީހުން މަރުވެފައިވާ ކަން ކަށަވަރު ކުރެވިފައި ވާ ކަމަށެވެ. އިލްކޝަން ކޮމިޝަނުން ވަނީ ސެނެޓްގެ ޕާލަމެންޓްރީ އެފެއާޒްގެ ދާއިމީ ކޮމިޓީއަށް މިމައުލޫމާތު ހިއްސާ ކޮށްފައެވެ.
"ނޭޝަނަލް ޑޭޓާބޭސް އެންޑް ރެޖިސްޓްރޭޝަން އޮތޯރިޓީ (ނަޑްރާ)އާ ގުޅިގެން ވޯޓުލާ މީހުން ޔަގީންކޮށް އިންތިޚާބުގައި ބޭނުންކުރާ ނަތީޖާ ޓްރާންސްމިޝަން ސިސްޓަމް (އާރުޓީއެސް) ރަނގަޅު ކުރުމަށް ވެސް އިތުރު ފިޔަވަޅުތައް އަޅަމުން ގެންދޭ" ސެނެޓަރުގެ ރިޔާސަތުގައި ބޭއްވި ދާއިމީ ކޮމިޓީގެ ބައްދަލުވުމުގައި އިލެކްޝަން ކޮމިޝަން އޮފް ޕާކިސްތާންގެ ސެކްރެޓަރީ ވިދާޅުވިއެވެ.
އިލެކްޝަން ކޮމިޝަނުން ބުނިގޮތުގައި 64 ޕަސެންޓް މީހުންގެ މައުލޫމާތު ކަށަވަރު ކޮށްފައިވާ ކަމަށެވެ. އަދި ވޯޓާސް ލިސްޓްތަކުގައި ގޯސްތަކެއް ހުރި ކަމަށާއި، އެކަންކަން އިސްލާހު ކުރަމުން އަންނަ ކަމަށެވެ.
