މެލޭޝިއާ ޕޮލިޓިކްސްގައި ރަސްކަން ކުރާނީ ފައިސާ ކަމަށް ކުރީގެ ބޮޑު ވަޒީރު މަހާތީރު އަރިހު، 2015 ވަނަ އަހަރު ކުރީގެ ބޮޑު ވަޒީރު ނަޖީބު ރައްޒާޤް ވިދާޅުވިކަމަށެވެ. މިއަދު މެލޭޝިއާ ސުޕްރީމް ކޯޓުގެ އަންހެން ފަނޑިޔާރުންގެ އަޣުލަބިއްޔަތު އޮތް ބެންޗަކުން ވަނީ ނަޖީބު 12 އަހަރަކަށް ޖަލަށް ލާން ކުރި ޙުކުމް ދަމަހައްޓާފައެވެ.
މެލޭޝިޔާގެ އެއް ބާނީއެއްގެ ދަރިކަލުން ކަމަށްވާ ނަޖީބު ރަޒާކް މެލޭޝިއާގެ ބޮޑުވަޒީރުކަމަށް ތައްޔާރު ކުރެއްވީ ކުޑައިރުއްސުރެންނެވެ. އެކަމަކު ނުވަ އަހަރު ދުވަހު ގައުމު ހިންގެވުމަށް ފަހު މިރޭ އޭނާ އަވަހާރަފުޅު ލައްޕަވާނީ ޖަލުގައެވެ. ނަޖީބަށް 12 އަހަރރުގެ ޖަލު ޙުކުމެއް މަތީ ކޯޓުން އިއްވާފައި ވަނީ ދައުލަތުގެ ފައިސާއަށް ޚިޔާނާތްތެރިވިކަމުގެ ތުހުމަތުގައެވެ.
2018 ވަނަ އަހަރުގެ މެއި މަހު އިންތިޚާބުގެ ނާކާމިޔާބީއަށްފަހު ނަޖީބާއި އަނބިކަނބަލުން ރޮސްމާ މަންސޫރުގެ މައްޗަށް ޚިޔާނާތުގެ ދައުވާ އުފުލާފައި ވެއެވެ.
އިނގިރޭސިވިލާތުން ތަޢުލީމު ޙާޞިލުކުރެއްވި ނަޖީބަކީ މެލޭޝިޔާގެ ގިނަ ބަޔަކު ދުށްގޮތުގައި އާދައިގެ މީހުންނާ މެދު މާބޮޑު ފިކުރެއް ގެންގުޅުއްވި ބޭފުޅއް ނޫނެވެ.
